WhakamĀrama Āpitihanga
E hāngai ana te kapa tuatahi, tuarua me te tuatoru o te Taka Pūmotu ki te maha o ngā whaitua irahiko o ngā ngota. Kotahi anake te whaitua irahiko o te hauwai (H) me te haumāmā (He) i te kapa tuatahi. E rua ngā whaitua irahiko o ngā pūmotu i te kapa tuarua (Li, Be, B, C, N, O, F, Ne).
He ōrite ētahi āhuatanga o ngā pūmotu o ia pou o te Taka Pūmotu. Hei tauira, he konganuku pāpāhua ngā pūmotu o te pou tuatahi (taha mauī), he haurehu nohopuku ngā pūmotu o te pou tuawaru (taha matau).
Ka whakaaturia te ingoa o te pūmotu, tōna tohu me te tau iraoho ki te Taka Pūmotu. Koia nei te tīmatanga o te Taka Pūmotu e whakaatu ana i ngā pūmotu mātāmua e rua tekau:
