Tikanga ā-Iwi

rūnanga manature

legal assembly, legal council, legal authority, tribunal

tūingoa

WHAKAMĀRAMA

He rōpū whaimana i raro i te ture. He maha ngā momo rūnanga manature i Aotearoa me ā rātou mahi rerekē, pērā i te whakatau taututetute, i te tuku raihana, i te arotake takahanga mōtika tangata, me te pīra i te whakataunga a tētahi umanga kāwanatanga.

A group with legal authority. There are many kinds of legal councils in Aotearoa, each with a different function, such as settling disputes, issuing licences, reviewing breaches of human rights, and appealing a decision made by a government agency.

Tauira KŌrero

He nui ake i te kotahi rau ngā momo rūnanga manature i Aotearoa.

I muri i te rū whenua i Ōtautahi i te tau 2011, ka whakatūria he rūnanga manature hei tirotiro i te tika o ngā whakataunga kerēme inihua.

Ki te kore e rata te kaikerēme ki te whakatau a tētahi rūnanga manature, e wātea ana ia ki te kawe i tana tohe ki te kōti.

WhakamĀrama Āpitihanga

Koia nei ētahi o ngā rūnanga manature kua whakatūria i Aotearoa:

Ko Te Rōpū Whakamana i Te Tiriti o Waitangi. He rūnanga manature hei kawe mā te iwi Māori i ā rātou kokoraho, i ā rātou kerēme mō ngā takahanga a te karauna i ngā kupu taurangi o roto i Te Tiriti o Waitangi.
Ko Te Taraipiunara Rīhi Whare, ko rātou hei whakatau i ngā raruraru ka hua ake i waenga i te kairīhi whare me te kaituku rīhi.
Ko Te Taraipiunara Arotake Mōtika Tangata. Ko tā tēnei rūnanga manature, he tirotiro i ngā kerēme e pā ana ki tētahi takahanga mōtika tangata, pērā i te whakahāwea, i te kaikiri, i te whakatīwheta hemahema.

Tauira KŌrero

He nui ake i te kotahi rau ngā momo rūnanga manature i Aotearoa.

I muri i te rū whenua i Ōtautahi i te tau 2011, ka whakatūria he rūnanga manature hei tirotiro i te tika o ngā whakataunga kerēme inihua.

Ki te kore e rata te kaikerēme ki te whakatau a tētahi rūnanga manature, e wātea ana ia ki te kawe i tana tohe ki te kōti.