Para Kore

ruapara

landfill, rubbish dump

tūingoa

WHAKAMĀRAMA

Ko te otinga atu o te para porowhiu, inā ka whakaputua, ka tanumia ki roto i te whenua.

The end point of discarded waste where it is piled up and buried in land.

Tauira KŌrero

E kimi wāhi ana te kaunihera hei whakatū ruapara hou.

He nui te whawhai a te iwi kia whakatikaina e te kaunihera ngā tūkinotanga taiao e hua ake ana i te ruapara tawhito o te rohe.

He aituā nui te horonga atu o ngā tahataha o te awa o Awatere i Te Araroa i te tau 2020, inā he ruapara tawhito i reira.

WhakamĀrama Āpitihanga

Ko tētahi whāinga nui o roto i te kaupapa a Para Kore, ko te whakaiti i te para e porowhiua ana ki te ruapara. Mā reira e iti ai te whakapeto rawa taketake me te pūngao hei waihanga hautaonga hou, e iti anō ai te tukuna o te hauhā ki te kōhauhau.

Ka kohia ngā para i te taparori, ka pāpāngia i roto i te taraka, kia nui ake ai te para ka taea ki roto i te taraka. Ka kīia, he para pāpā. Ka pāpāngia, ka pēhia anō i te ruapara e ngā mīhini matarahi. Hei tauira o te ruapara:

Ko tētahi whāinga nui i te waihanga ruapara hou, kia kore e papī ake he wai whakapākeka hei tāhawahawa i te whenua me ngā arawai o tata. Ka whakatakotoria he kiri ki te takere o te ruapara. Ina kī te ruapara ka uhia ki te kiri tukukore me te uku. Hei tauira:

Tauira KŌrero

E kimi wāhi ana te kaunihera hei whakatū ruapara hou.

He nui te whawhai a te iwi kia whakatikaina e te kaunihera ngā tūkinotanga taiao e hua ake ana i te ruapara tawhito o te rohe.

He aituā nui te horonga atu o ngā tahataha o te awa o Awatere i Te Araroa i te tau 2020, inā he ruapara tawhito i reira.

WhakamĀrama Āpitihanga