WhakamĀrama Āpitihanga
Mēnā e rītaha ana ngā whakaaro o tētahi, kāore ia i āta whiriwhiri i ngā taha e rua o tētahi take, kāore ia i āta rangahau i te take, i āta whakaaro rānei, arā, he āhua whāiti tana aro ki tāna e ngākaunui ana, e manako ana.
Mēnā kāore te tangata e tūoho ana ki ōna whakaaro, ki ōna whakapono e arotoka ana ki tētahi rōpū, ki tētahi tangata rānei, ka kīia tērā ko tōna rītaha matahuna. Hei tauira, ko te rītaha ira i te wāhi mahi. Koia ko te arotoka o te whakaaro he pai ake te tāne i te wahine, te wahine i te tāne rānei mō tētahi tūranga mahi.
Ko te rītaha mātāwaka tētahi atu momo whakahāweatanga, arā ko te whiwhi painga o tētahi i runga i tōna rōpū mātāwaka. Mā te rītaha mātāwaka e hua ake ai te tautika-kore i te ao mahi, i te ao mātauranga, i te hauora, i te whiwhi whare, me ētahi atu wāhi o te porihanga.
Ka hua ake te pānga taupatupatu mēnā kei konā te tūponotanga ka rītaha ngā whakaaro, ngā mahi rānei a te tangata i runga i tana hononga ki tētahi kaupapa, ki tētahi atu tangata rānei. Hei tauira, he pānga taupatupatu mēnā kei te pae whiriwhiri te tangata, ā, ko tana whanaunga tētahi o ngā kaitono.