Hauora

riri ā-whare

domestic violence, famly violence, domestic abuse

tūingoa

WHAKAMĀRAMA

He mahi tūkino nā tētahi o roto i te whānau ki tētahi atu o te whānau tonu. 

Ill-treatment or violence by one member of the family against another.

Tauira KŌrero

Kia mataara te hunga pouako ki ngā tohu o te riri ā-whare.

I whakatūria te kaupapa nei hei whakamutu i ngā momo riri ā-whare i Aotearoa.

He ratonga tērā e āwhina ana i ngā whānau e raru ana i te riri ā-whare, kia tahuri rātou ki te whai i tētahi ara hou.

WhakamĀrama Āpitihanga

Ko te haupatu, ko te taitōkai, ko te patu wairua, ko te patu hinengaro, ko te tāmi tuakiri, ko te whakamania ētahi momo riri ā-whare, ā, ka tau ēnei momo riri ki te tamaiti, ki te hoapiri, ki te kaumātua rānei o roto i te whānau. Ka kīia ēnei ko te tūkino tamariki, ko te tūkino hoapiri, ko te tūkino kaumātua.

Ko te hunga ka puta, ka ora i ēnei momo tūkinotanga, ka kīia he tūora, arā, he tūora tūkinotanga. Koia ko te tūora riri ā-whare, te tūora taitōkai me te tūora tūkino tamariki.

Ko te whakahapa tētahi atu momo tūkinotanga, inā ka kore e āta tiakina te tamaiti e ngā mātua – tōna taha kare ā-roto, taha wairua, taha hinengaro, taha whānau, otirā tōna taha tinana hoki. Ka kīia tērā ko te whakahapa tamariki. He wā anō, ko te mātāpuputu te hunga ka whakahapatia e tōna whānau, arā, ko te whakahapa kaumātua tērā.

Takenga Mai

riri - anger, violence, rage

ā-whare - in-house

Tauira KŌrero

Kia mataara te hunga pouako ki ngā tohu o te riri ā-whare.

I whakatūria te kaupapa nei hei whakamutu i ngā momo riri ā-whare i Aotearoa.

He ratonga tērā e āwhina ana i ngā whānau e raru ana i te riri ā-whare, kia tahuri rātou ki te whai i tētahi ara hou.

WhakamĀrama Āpitihanga