WhakamĀrama Āpitihanga
Hei tauira o ētahi o ngā rawatoi ka whakamahia e te ringatoi:
1. Ko ngā rawatoi mō te tuhi pikitia:
tioka, pene hinu, pene whītau, pene waituhi, pene rākau, piakano
2. Ko ngā rawatoi mō te peita:
peita kiriaku, peita hinu, waituhi, puehu peita, peita wai
3. Ko ngā rawatoi mō te whakairo:
rākau, kōhatu, wheua
4. Ko ngā rawatoi mō te tārai, te ahuahu rānei:
uku, rākau, rino, kōhatu, rauwhero, raima, onepū, ranunga maramara pepa, waea
5. Ko ngā rawatoi mō te raranga:
harakeke, kiekie, pīngao, raupō, wūru, aho ngaiaku, papamuka
6. Ko te tikanga o te rawatoi i te mahi mātātuhi, e hāngai ana ki te momo tukanga. Hei tauira:
te poro rākau, te kahupeka, te mātātuhi raumata.
He rawatoi tini ētahi mahinga toi. Hei tauira, he rākau o te wao, he rākau waihanga (papa marariki, papamārō), he kiekie, he pīngao, he peita ngā rawatoi i tēnei matarahi. Kei Te Puna Mātauranga o Aotearoa e whakaaturia ana.
Cliff Whiting
Te Wehenga o rangi rāua ko Papa
He rawatoi tini
E toru ngā momo papa rākau waihanga e whakamahia ana i roto i ētahi o ngā whakairo hou, te tukutuku me ngā matarahi:
- Ko te papa marariki. He rahi te mata o tēnei momo, kua waihangatia ki te maramara rākau ririki. Hei whakaahua i ētahi whakamahinga e toru o tēnei rawatoi:
- Ko te papa kōputaputa. He papamārō tēnei kua oti ētahi kōhao maha te wiri atu. E noho mai ana aua kōhao i ngā pūtahitanga o ngā rārangi huapae me ngā rārangi poutū. Whakamahia ai te papa kōputaputa hei hanga papa tukutuku.
