!
Welcome to PAEKUPU, words related to Te Marautanga o Aotearoa. Curriculum areas presently available on PAEKUPU: Toi Ataata, Te Reo Matatini, Puoro, Te Reo Pāngarau, Te Reo Pūtaiao, Ngā Mahi a te Rēhia, Hangarau, Tikanga ā-Iwi
 
X
Tikanga ā-Iwi

rāwaho

external, foreign

tūāhua

WHAKAMĀRAMA

Hei whakaahua i tētahi mea nō whenua kē, nō waho atu rānei i te rōpū, i te whakahaere rānei e kōrerohia ana.

To describe something from another country, or from outside of the group or organisation which is being discussed.

Tauira KŌrero

E whai ana te ture nei kia kaua e pērā rawa te maha o ngā iwi rāwaho e taetae mai ana ki Aotearoa i ia tau, ki konei whakakāinga ai.

He tino riha te paihamu, he kararehe rāwaho i kawea tuatahitia mai ki Aotearoa i te tau 1837.

E rima ngā reo rāwaho, arā, ngā reo manene o ngā tamariki kei tērā kura.

WhakamĀrama Āpitihanga

Ko ngā kaupapa e haere ana i tāwāhi e whai pānga ana ki a tātou i Aotearoa, ka kīia he take rāwaho, he take tāwāhi rānei. Ko te kaupeka o te kāwanatanga o Aotearoa e aro ana ki ngā take tāwāhi kua tapaina ko Te Manatū Aorere.

Ko te rāroto te tauaro o te rāwaho, hei whakaahua i tētahi mea nō roto tonu i tētahi whenua, i tētahi rōpū, i tētahi whakahaere rānei. Ko te kaupeka o te kāwanatanga o Aotearoa e aro ana ki ngā take rāroto o tō tātou whenua tonu, kua tapaina ko Te Tari Taiwhenua.

KUPU KĒ ATU

tauwhenua

manene

whakawaho

Tauira KŌrero

E whai ana te ture nei kia kaua e pērā rawa te maha o ngā iwi rāwaho e taetae mai ana ki Aotearoa i ia tau, ki konei whakakāinga ai.

He tino riha te paihamu, he kararehe rāwaho i kawea tuatahitia mai ki Aotearoa i te tau 1837.

E rima ngā reo rāwaho, arā, ngā reo manene o ngā tamariki kei tērā kura.

WhakamĀrama Āpitihanga