Mātauranga Whānui

rautaki whakaako

teaching strategy

tūingoa

WHAKAMĀRAMA

Ko ngā tikanga, ko ngā tūkawe, ko ngā tukanga ka whakamahia e te pouako i roto i āna akoranga.

The methods, techniques, and processes a teacher employs in their lessons.

Tauira KŌrero

Me āta whakaaro ia ki āna rautaki whakaako e tōia ai ngā ākonga kia manawa ū ki ngā mahi ako.

E hoa, nō tērā atu rautau ngā rautaki whakaako a tērā pouako, ānō nei e māhita tonu ana.

Kei roto i tana kete rautaki whakaako reo ētahi ngohe e tino poapoaina ai ngā ākonga ki te whakawhitiwhiti kōrero ā-waha.

WhakamĀrama Āpitihanga

Ko te tīrewa tētahi tauira o te rautaki whakaako. I konei ka whakaritea e te pouako ētahi ngohe hei arataki i te ākonga. I te tuatahi mā te pouako e kawe, e tohu ngā mahi ako. Kia taunga haere te ākonga, ka whakaiti haerehia te arataki a te pouako kia tū motuhake ai te ākonga i te tukanga ako:

Ko tā ētahi rautaki whakaako he whakatairanga i te wairua whakataetae, i te mahi takitahi a ngā ākonga, ā, ko ētahi ka whakatairanga i te wairua whakawhanaunga me te mahi tahi a te rōpū ākonga.

Ko ētahi rautaki whakaako ka tino aro ki ngā kai o roto i te kaupapa, i te peka mātauranga e whakaakona ana. Arā hoki ngā rautaki whakaako ka tino aro ki ngā ākonga tonu, ki ngā matea rau o te rōpū, ki ō rātou taera ako, pēnā he ako ringapā, he ako rorongo, ako ataata.

Tauira KŌrero

Me āta whakaaro ia ki āna rautaki whakaako e tōia ai ngā ākonga kia manawa ū ki ngā mahi ako.

E hoa, nō tērā atu rautau ngā rautaki whakaako a tērā pouako, ānō nei e māhita tonu ana.

Kei roto i tana kete rautaki whakaako reo ētahi ngohe e tino poapoaina ai ngā ākonga ki te whakawhitiwhiti kōrero ā-waha.

WhakamĀrama Āpitihanga