All rights reserved
Te Papakupu o Te Marautanga o Aotearoa
Ngā Wāhanga Ako: Te Reo Matatini, Ngā Toi, Pāngarau, Pūtaiao, Hangarau, Tikanga ā-Iwi, Hauora
Ko te nui o ngā kōrero ka tīkina ake e te rorohiko mai i te ipurangi, ka tukuna atu rānei i te rorohiko ki te ipurangi.
The amount of information which is downloaded from the internet to a computer, or uploaded from a computer to the internet.
He mea nui kia mārama te tangata ki te rahi o ana raraunga ā-marama i raro i ngā whakaritenga ki te kaiwhakarato ipurangi.
Kei te pau haere aku raraunga, me hoko anō ētahi.
E herea ana ngā tamariki ki te kotahi kikapaita raraunga i ia marama.
He tino iti te paita raraunga kotahi, nō reira ka whakaaturia te āhei o tētahi pūmahara ki te pupuri raraunga hei kiropaita (mano paita), hei mekapaita (miriona paita), hei kikapaita (piriona paita), hei terapaita (tiriona paita) rānei. Koia nei ngā hononga o tētahi ki tētahi:
Hei tauira o te rahi o ētahi kōnae matihiko:
Ko te maha o ngā paita ka tukatukatia i ia hēkona, ka kīia ko te tere tukatuka, koia tētahi āhuatanga e hāngai ana ki te raukaha o tētahi rorohiko, pūnaha rorohiko rānei. Ko te Gbps (kikapaita i te hēkona) tētahi waeine e hāngai ana ki te tere tukatuka o tētahi rorohiko.