Tikanga ā-Iwi

pūnaha hauropi

ecosystem

tūingoa

WHAKAMĀRAMA

Ko te noho tahi mai o tētahi hapori rauropi me tōna taiao. Hei tauira, ko ētahi o ngā āhuatanga o te pūnaha hauropi o te repo: ko te tūhono o tētahi momo ki tētahi; ko te whakaputa uri a tēnā me tēnā o ngā rauropi; ko te pānga mai o te āhuarangi ki te noho o ngā rauropi; ko te māwhaiwhai kame; ko te kounga o te wai; me ētahi atu āhuatanga maha e whai pānga ana.

The way a community of organisms lives together in their environment. For example, the ecosystem of a swamp includes the interaction of the species present, the reproduction of each species, the influence of the climate, the food web, the quality of the water, and many other related aspects.

Tauira KŌrero

He aha ētahi āhuatanga matua e toru o te pūnaha hauropi o te kōawa nei?

Whakamāramatia mai ngā āhuatanga kei te whakararu i te pūnaha hauropi o ō tātou ngahere māori.

Nā te whakarake ngahere me te whakatū pāmu kua tino raruraru ngā pūnaha hauropi maha, puta noa i te ao.

WhakamĀrama Āpitihanga

Koia nei tētahi wehewehenga o ngā mahi a te pūnaha hauropi, ka kīia ēnei i te pūtaiao Pākehā, he ratonga pūnaha hauropi. Katoa ēnei ka pā ki te oranga tangata:

  • Ko te mahi a ngā pūnaha hauropi ki te whāngai i te tangata ki ngā momo rawa e mātua hiahiatia ana, pērā i te kai, i te wai, i te rākau, i ngā momo kaka.
  • Ko te mahi a ngā pūnaha hauropi ki te whakamatua i ngā āhuatanga o te taiao, pērā i te āhuarangi, i te kounga o te wai, i te haumako o te oneone me te aranga ake o te tahumaero.
  • Ko te mahi a ngā pūnaha hauropi ki te hāpai i te ahurea o te tangata, i tana mahi ā-rēhia, i tana whai i āna tikanga, otirā i tana oranga wairua.
  • Ko te mahi a ngā pūnaha hauropi ki te hāpai i ngā tukanga māori o te taiao pērā i te kurupopo, i te ahotakakame, me te huringa taiora pēnei i te huringa waro.

Mēnā ka raru tētahi pūnaha hauropi, ka raru anō ko ēnei mahi matua e whā, nāwai ā, ko te tangata tonu te papa. Hei tauira, nā te hao tuhene ka raru, ka mate, ka tipirori te pūnaha hauropi moana. Nā tērā, ka iti haere te kai e wātea ana hei whāngai i te taupori o te ao; ka raru te tikanga o ngā marae ki te manaaki manuhiri ki ngā kai rangatira o Tangaroa; ka raru hoki tā te moana miti i te hauhā hei kaupare i te mahana haere o te ao.

Takenga Mai

pūnaha ‒ system

hauropi ‒ ecology

Tauira KŌrero

He aha ētahi āhuatanga matua e toru o te pūnaha hauropi o te kōawa nei?

Whakamāramatia mai ngā āhuatanga kei te whakararu i te pūnaha hauropi o ō tātou ngahere māori.

Nā te whakarake ngahere me te whakatū pāmu kua tino raruraru ngā pūnaha hauropi maha, puta noa i te ao.

WhakamĀrama Āpitihanga