WhakamĀrama Āpitihanga
Kei te nuinga o ngā taupuni hangarua he wāhi kohikohi i ngā pūhiko e porowhiua ana. Ka tangohia ngā konganuku whaihua hei whakamahi anō. Hei tauira tērā o te taumanu rawa. He whakararu taiao ina porowhiua noatia ki te ruapara.
Koia nei ētahi momo pūhiko e whakamahia whānuitia ana:
 | Ko te pūhiko konukōhatu. Kāore e taea te nuinga te whakahihiko anō. Ka whakamahia nuitia i ngā pūrere hiko maha pēnei i te rama. |
 | Ko te pūhiko konukōhatu whai katote. He whakahihiko tēnei momo, ā, e tino whakamahia ana puta noa i roto i te waka hiko, i ngā taputapu whai pūkaha me ngā pūrere tāhiko. He whakararu taiao te maina konukōhatu, he tāhawahawa whenua ina porowhiua ki te ruapara. |
 | Ko te pūhiko waipāhua. Ko te nuinga he whakahihiko-kore, nō reira ka porowhiua ina pau te hiko o roto. Ka mātua whakamahia i roto i ngā pūrere hiko kawekawe, pēnei i te rama. |
 | Ko te pūhiko hiriwa ōkai. He pūhiko iti, whakahihiko-kore. Ka kīia i ētahi wā, he pūhiko pātene, ā, ka whakamahia i ngā pūrere hiko iti, pēnei i te wati me te pūrere awhirongo. |
 | Ko te pūhiko konukōreko pūmā. He whakahihiko tēnei momo. Nā te tino tāoke o ngā matū o roto kua iti haere te whakaputa i tēnei pūhiko huri i te ao. Ka mātua whakamahia i te pūrere tāhiko. |
 | Ko te pūhiko konukōreko hauwai. He kaha kē atu i te pūhiko konukōreko pūmā, ā, kāore i te pērā rawa te tāoke i tō tērā. Ka taea te whakahihiko anō. Ka whakamahia i te waka hiko me ngā momo pūrere tāhiko maha. |
 | Ko te pūhiko waikawa konumatā. He kaha, he taumaha, ā, ka taea te whakahihiko anō. Ka mātua whakamahia hei tīmata i te pūkaha o te waka kōhinu. He tino tāoke ngā matū o roto, engari ka taea ngā matū whaihua te taumanu ake hei whakamahi anō. |