WhakamĀrama Āpitihanga
Ko te momo pū whakaahua e tino whakamahia ana i ēnei rā, ko te pū whakaahua matihiko. Ko te arotahi o te pū whakaahua matihiko hei kawe i te aho ki roto i te pū whakaahua, kia hopukina e te paerongo matihiko. Ka puritia te whakaahua ki te kōnae matihiko mōkito kei roto i te pū whakaahua, arā, te kāri pūmahara. Kei te nuinga o ngā waea pūkoro he pū whakaahua.
Koia nei ētahi wāhanga o te pū whakaahua matihiko:
Ko tā ētahi pū whakaahua, he hopu i te whakaahua tū, karekau he nekeneke. He momo pū whakaahua kē hei hopu i ngā whakaahua ataata, e kitea ai ngā nekeneke i te takanga o te wā. He pū whakaahua ataata kei te nuinga o ngā waea pūkoro. Ka whakamahia he pūmanawa whakawhena, he taputapu whakawhena rānei, pērā i te waetoru, hei whakakore, hei whakaiti rānei i te putanga o ngā wiriwiri me ngā nekeneke a te ringa pupuri i te pū whakaahua ataata. Hei tauira o te pū whakaahua ataata:
He pū whakaahua ataata kei te nuinga o ngā rorohiko, ka kīia he kātuku. Ko tā te kātuku, he hopu ataata o te kaiwhakamahi e noho ana ki mua i te rorohiko:
