Hauora

piripoho

newborn, postnatal

tūingoa, tūāhua

WHAKAMĀRAMA

He pēpi kātahi anō ka whānau mai. E tohu ana hoki i ngā āhuatanga e pā ana ki te pēpi hou. 

A baby who has been born recently. It also relates to circumstances and aspects of a new born baby.

Tauira KŌrero

E tino tau ana tāna piripoho, he pai nō te maimoa a te whānau whānui.

E waru wiki ia i roto i te taiwhanga piripoho o te hōhipera nā tōna whānau kokoti tau.

Ko ia kei te whakahaere i tētahi ratonga piripoho hei āwhina i ngā mātua hou ki te maimoa i ā rātou pēpi.

WhakamĀrama Āpitihanga

Me he tōmua te whānautanga mai o te pēpi, ka kīia tērā ko te whānau kokoti tau, ā, tērā te tūpono pā o ētahi whakararu hauora. Nā te kōpīpī o ngā whēkau ka pākia pea ki te mate arahau, ki te mate manawa, ki ētahi atu momo mate rānei. Ka maimoatia te tamaiti kokoti tau e ngā mātanga piripoho hou i te taiwhanga piripoho hou o te hōhipera.

Arā hoki ngā maimoa pirikōpū, koia ko ngā momo āwhina i te wā e hapū ana te māmā, kia pai ai te tipu o te kukune i tōna kōpū, kia rite anō ai ia ki te maimoa i tana tamaiti ina whānau mai.

Ka whānau mai ana te pēpi, e rua ngā wāhi ngohengohe kei tōna angaanga, ka kīia he koama. He kōhao e uhia ana ki te kiri, ka kopi haere i te whanaketanga o te pēpi, tae atu pea ki te 18 marama te pakeke.

Takenga Mai

piri - to be close

poho - chest, bosom, seat of affections

KUPU KĒ ATU

pēpē (kupu mino)

pēpi (kupu mino)

Tauira KŌrero

E tino tau ana tāna piripoho, he pai nō te maimoa a te whānau whānui.

E waru wiki ia i roto i te taiwhanga piripoho o te hōhipera nā tōna whānau kokoti tau.

Ko ia kei te whakahaere i tētahi ratonga piripoho hei āwhina i ngā mātua hou ki te maimoa i ā rātou pēpi.

WhakamĀrama Āpitihanga