!
Welcome to PAEKUPU, words related to Te Marautanga o Aotearoa. Curriculum areas presently available on PAEKUPU: Toi Ataata, Te Reo Matatini, Puoro, Te Reo Pāngarau, Te Reo Pūtaiao, Ngā Mahi a te Rēhia, Hangarau
 
X
Hangarau

pātengi raraunga

database

tūingoa

WHAKAMĀRAMA

He kohinga kōrero e puritia ana ki tētahi rorohiko, ki tētahi pūnaha rorohiko rānei. He nahanaha te rārangi mai o ngā kōrero e māmā ai te kimi, te tiki ake, te whakahou rānei. 

A collection of information held in a computer or computer system. The information is arranged in a systematic manner in order for the information to be searched, downloaded or updated.

Tauira KŌrero

He aha ētahi tikanga matatika e hāngai ana ki te pupuri kōrero tūmataiti ki tētahi pātengi raraunga tuihono?

Ko wai mā te hunga ka āhei atu ki tēnei pātengi raraunga?

He mea tono ia kia hangaia he pātengi raraunga hei pupuri i ngā kōrero ka hua ake i tā mātou rangahau.

WhakamĀrama Āpitihanga

Arā ētahi momo pūnaha whakahaere pātengi raraunga e hāngai ana ki kaupapa kē, ki kaupapa kē. Hei tauira:

  • Ko te pūnaha whakahaere i te pātengi raraunga mō www.paekupu.co.nz. He pūnaha pupuri i ngā kupu me ngā whakamārama e māmā ai te whakauru kupu hou, te kimi kupu, te takatā anō hoki.
  • Ko te pūnaha pupuri i ngā raraunga me ngā kōrero mō ngā taonga e puritia ana ki tētahi whare pupuri taonga. Ka kīia tēnei he pātengi raraunga pūranga. Mēnā kei te ipurangi te pātengi raraunga hei tiki ake mā te tangata, ka kīia he pūranga tuihono tērā.
  • Ko te pūnaha ka whakamahia e tētahi toa hokohoko, e mōhiotia ai te maha o ia momo mea kua hokona, me te maha hoki e puritia tonu ana ki te toa. Ka kīia tēnei he pātengi raraunga tūemi.

Takenga Mai

pātengi - storehouse

raraunga - data

Tauira KŌrero

He aha ētahi tikanga matatika e hāngai ana ki te pupuri kōrero tūmataiti ki tētahi pātengi raraunga tuihono?

Ko wai mā te hunga ka āhei atu ki tēnei pātengi raraunga?

He mea tono ia kia hangaia he pātengi raraunga hei pupuri i ngā kōrero ka hua ake i tā mātou rangahau.

WhakamĀrama Āpitihanga