WhakamĀrama Āpitihanga
Hei tauira o te pātene tono. Ka kitea ēnei ki te kokonga runga matau o te rorohiko PC:
Ko te pātene whakakore tētahi atu pātene tono. Ina pāwhiria ka whakakorea te tono o mua. Ko te tono i puta ai tēnei pouaka kōrero, ko te kati i te papatono, nō reira e pātai ana mēnā ka hiahia koe kia tiakina ngā whakahoutanga, kia kaua e tiakina, kia whakakorea rānei te tono kati:
Ko te pāwhiri pātene tono tētahi ara matua e tohutohua ai te rorohiko e te kaiwhakamahi. Mā te pēhi i te kiore, mā te pato rānei i te papapā e tutuki ai te mahi nei, te pāwhiri.
E rua ngā pātene kei te kiore hei pēhi mā te kaiwhakamahi:
- Mā te pāwhiri mauī i tētahi pātene i te mata o te rorohiko e tukuna ai te tono e hāngai ana ki taua pātene.
- Mā te pāwhiri matau i te kiore e huakina ai he tahua putarere, hei kōwhiri mā te kaiwhakamahi i te mahi e hiahiatia ana. Hei tauira:
Mā te pāwhirirua i te kiore, arā, ka tere whai ake tētahi pāwhiri tuarua i te pāwhiri tuatahi, mā te patorua rānei i te papapā, e huakina ai tētahi kōnae, tētahi tuhinga, tētahi papatono rānei.