Ko te pātai matua, te rapanga rānei e arotahia ana i tētahi tūhuratanga tauanga
The principal question or problem that is the focus of a statistical investigation.
Tauira KŌrero
Me whakawhāiti te pātai tūhura e taea ai te whakautu i tēnei tūhuratanga.
E matapaki ana ngā ākonga i ētahi pātai tūhura e puta ai he māramatanga ki tēnei kaupapa.
Ko wai mā te hunga e arohia ana i tēnei pātai tūhura?
WhakamĀrama Āpitihanga
Koia nei ētahi momo pātai tūhura:
Ko te pātai whakarāpopoto. Ka arohia te āhua o tētahi taurangi kotahi i tētahi taupori whāiti. Hei tauira: E hia haora ka pau i ia rā i ngā ākonga Tau Waru o te kura ki te mātakitaki pouaka whakaata?
Ko te pātai whakatairite. I konei, ka whakatairitea te āhua o tētahi taurangi i ētahi rōpū e rua. Hei tauira: He tāroaroa ake rānei ngā kōtiro Tau Waru i ngā tamatāne Tau Waru o te kura?
Ko te pātai houanga. Ka arohia i konei te rerekē haere o tētahi taurangi i te takanga o te wā. Hei tauira: He pēhea nei te piki (me te heke) o te hunga kōrero Māori i ngā tau 50 kua pahure?
Ko te pātai hononga. Ka āta tirohia mēnā he hononga kei waenganui i ētahi taurangi e rua, kāore rānei. Hei tauira: He aha te hononga kei waenganui i te 'toanga piu uka' i mua i te kēmu kirikiti, me te toanga i te kēmu?
Tauira KŌrero
Me whakawhāiti te pātai tūhura e taea ai te whakautu i tēnei tūhuratanga.
E matapaki ana ngā ākonga i ētahi pātai tūhura e puta ai he māramatanga ki tēnei kaupapa.
Ko wai mā te hunga e arohia ana i tēnei pātai tūhura?