!
Welcome to PAEKUPU, words related to Te Marautanga o Aotearoa. Curriculum areas presently available on PAEKUPU: Toi Ataata, Te Reo Matatini, Puoro, Te Reo Pāngarau, Te Reo Pūtaiao, Ngā Mahi a te Rēhia, Hangarau, Tikanga ā-Iwi
 
X
Tikanga ā-Iwi

pāpātanga

impact

tūingoa

WHAKAMĀRAMA

Ko te whakaaweawe a tētahi mahi, a tētahi tukanga, a tētahi kaupapa rānei ka tau ki runga i tētahi mea.

The effect or influence that a particular activity, process or initative has on something.

Tauira KŌrero

He aha ētahi pāpātanga ka puta i te tāmitanga a tētahi iwi i tētahi?

Ko te mahana haere o te ao tētahi pāpātanga nui whakaharahara a te tangata ki te taiao.

Me āta whakaaro te tangata ki te pāpātanga o ana kupu ki te wairua o tētahi atu.

WhakamĀrama Āpitihanga

Koia nei ētahi pāpātanga e kōrerohia whānuihia ana:

  • Ko te pāpātanga ohaoha. Koia ko te pāpātanga o tētahi mahi, o tētahi tukanga, o tētahi kaupapahere o tētahi kaupapa rānei ki ngā āhuatanga ohaoha o te tangata, o te rōpū rānei, pērā i te whānau, i te iwi, i te hapori, i te whenua, me te ao whānui.
  • Ko te pāpātanga pāpori. Koia ko te pāpātanga o tētahi mahi, o tētahi tukanga, o tētahi kaupapa rānei ki te oranga o te hapori. Arā te pāpātanga pāpori kino o ētahi mea, pērā i te hokotanga atu o te whakapōauau. Arā hoki te pāpātanga pāpori pai, pērā i tā te marae whakarato kai ki ngā whānau tuakoka o te hapori.
  • Ko te pāpātanga ahurea. Koia ko te pāpātanga o tētahi mahi, o tētahi tukanga, o tētahi kaupapa rānei ki te ahurea o tētahi iwi. Hei tauira mēnā e mate ana te mauri o te awa nā te parahanga tangata, ka mate anō ko te mauri o te iwi nō rātou taua awa. He pāpātanga taiao te mauri mate o te awa. He pāpātanga ahurea te mauri mate o te iwi.

Takenga Mai

pāpā - to affect, touch, strike

KUPU KĒ ATU

pānga

Tauira KŌrero

He aha ētahi pāpātanga ka puta i te tāmitanga a tētahi iwi i tētahi?

Ko te mahana haere o te ao tētahi pāpātanga nui whakaharahara a te tangata ki te taiao.

Me āta whakaaro te tangata ki te pāpātanga o ana kupu ki te wairua o tētahi atu.

WhakamĀrama Āpitihanga