!
Welcome to PAEKUPU, words related to Te Marautanga o Aotearoa. Curriculum areas presently available on PAEKUPU: Toi Ataata, Te Reo Matatini, Puoro, Te Reo Pāngarau, Te Reo Pūtaiao, Ngā Mahi a te Rēhia, Hangarau, Tikanga ā-Iwi
 
X
Tikanga ā-Iwi

panoni ~hia ~tanga

change

tūingoa, tūmahi whiti, tūmahi poro

WHAKAMĀRAMA

Ko te whakarerekē, ko te rerekē haere noa iho rānei o tētahi mea i te takanga o te wā, i te mahinga rānei o tētahi mahi. Ka whai āhua kē, ka whai hanganga kē rānei te mea ka panonihia.

The differences made or that occur over the passage of time, or because of the undertaking of an activity. The thing that is changed takes on a different appearance, character or structure. 

Tauira KŌrero

I panonihia te pūnaha pōti o Aotearoa i te tau 1993.

Ko ngā momo arapāho matihiko te panoni matua o roto i te ao pāpāho i ngā tau tata kua hori nei.

He aha ētahi panonitanga i hua ake i tērā hapori i te katinga o te whare patu mīti o reira?

WhakamĀrama Āpitihanga

He maha ngā whakamahinga o te kupu nei, te panoni i roto i te Tikanga ā-Iwi. Koia nei ētahi:

Ko te panoni pāpori. Koia ko te whakarerekē, te rerekē haere rānei o ngā āhuatanga pāpori, pērā i te anga pāpori, ngā whanonga pāpori me ngā ritenga pāpori.

Ko te panoni tōrangapū. Hei tauira ko te panoni i te pūnaha pōti, ko te panoni i te tukanga whakatū i tētahi ture hou.

Ko te panoni hangapori. Ko ētahi tauira i Aotearoa, ko te pakeke haere o te taupori o Aotearoa haere ake nei, ko te tipu o te ōrau Māori o te taupori me te heke o te ōrau Pākehā.

Ko te panoni ohaoha. Hei tauira, ko te aranga ake o ētahi umanga hou me te heke o ētahi. Ko te umanga matihiko, ko te umanga kiriata hei tauira o ētahi umanga kua tino tipu i Aotearoa i ngā tau tata nei. Kua heke te umanga tui kākahu, ā, kua tino heke te umanga tāpoi i muri i te mate korona i te tau 2020.

Ko te tutūnga o te puehu i runga i te pakanga a tētahi rōpū kia panonihia tētahi āhuatanga o te porihanga, ka kīia ko te pāhoro. Ka pupū ake te pāhoro i te kaikiri me te whakahāwea a te iwi awenui ki te tokoiti, i ngā ture me ngā tikanga tōkeke-kore anō hoki.

Mēnā ka āta whakamaheretia he panonitanga kia pai ake ai, kia tōkeke ake ai tētahi whakahaere, tētahi rāngai tūmatanui, tētahi umanga rānei, ka kīia tērā ko te panoni whakaumu.

Tauira KŌrero

I panonihia te pūnaha pōti o Aotearoa i te tau 1993.

Ko ngā momo arapāho matihiko te panoni matua o roto i te ao pāpāho i ngā tau tata kua hori nei.

He aha ētahi panonitanga i hua ake i tērā hapori i te katinga o te whare patu mīti o reira?

WhakamĀrama Āpitihanga