WhakamĀrama Āpitihanga
He whakaatanga tēnei. Ka noho pūmau te āhua me te rahi, ka rerekē te wāhi noho me te ahunga. Ka kīia, he āhuatanga pūmau te koki me te rahi i raro i te whakaatanga, he āhuatanga taurangi te ahunga me te taunga.
He ōrite te āhua o te tapatoru AEH me te tapatoru A’E’H’, arā, te roa o ngā tapa me te rahi o ngā koki:
He hurihanga whakatekaraka tēnei. Ka noho pūmau te āhua, te rahi me te ahunga, engari ka rerekē te wāhi noho, hāunga te pū o te hurihanga (ko te pūwāhi A i tēnei tauira). He āhuatanga pūmau te koki, te rahi me te ahunga i raro i te hurihanga, he āhuatanga taurangi te taunga. He ōrite te āhua o te tapawhā hāngai AEHI me te tapawhā hāngai A’E’H’I’:
He nekehanga tēnei. Ka noho pūmau te āhua, te rahi me te ahunga, engari ka rerekē te wāhi noho. He āhuatanga pūmau te koki, te rahi me te ahunga i raro i te nekehanga, he āhuatanga taurangi te taunga. He ōrite te āhua o te mātāoroko me te mātātuhi:
He whakarahinga tēnei. Ka noho pūmau te āhua me te ahunga, engari ka rerekē te rahi me te wāhi noho. He āhuatanga pūmau te koki me te ahunga i raro i te whakarahinga, he āhuatanga taurangi te rahi me te taunga. He ōrite te āhua o ēnei tapatoru:
He tauira tēnei o te panoni tāruarua, arā, ka tāruaruatia ngā panoni kia puta ai te tauira tūtahi:
| Koia nei te pūtaketake o te tauira. |  |
| Ka whakaatangia te pūtaketake. |  |
| Ka tāruaruatia te neke whakararo. |  |
| Ka puta te tauira tūtahi. |  |