He kōrero ka puta i te hinengaro auaha o te tangata, i te nuinga o te wā kāore i pono.
A narrative which emanates from a person's creativity and is usually not true.
Tauira KŌrero
Kei a ia mō te kōrero paki.
Nāna i tuku tana paki ki te whakataetae tuhi kōrero a Huia.
I takea mai te paki i ngā wheako o te kaituhi i te wā e tamariki ana ia.
WhakamĀrama Āpitihanga
He maha ngā momo paki rerekē, pēnei i te paki auaha, te paki pono, te paki pohewa me te haurongo, ā, he rerekē te āhua o te tuhi, o te kōrero rānei i tēnā momo, i tēnā momo. E kitea ana te paki i roto i ngā momo toi maha pērā i te whakaari, i te pakimaero, i te kiriata, i te kanikani, i te toi ataata me te waiata.
Ko te tāhū o te paki, koirā ngā mahi matua ka hua ake i roto i te roanga atu o te paki.
Ko te kaupapa o te paki, koirā te take matua, te whakaaro matua rānei e kawea ana, e whakaaturia ana i roto i te paki.
Ko ngā kiripuaki, koirā ngā tāngata e kawe ana i ngā mahi o roto i te paki.
Ko te takiwā, koirā te wā me te wāhi e noho mai ana ngā kiripuaki me ā rātou mahi.
He akoranga kei roto i ētahi paki hei whakaaroaro mā te kaipānui, mā te kaiwhakarongo rānei, ā, ka kīia tērā ko te iho o te paki, ā, ko te kōrero tara tērā momo paki.
KUPU KĒ ATU
kōrero paki
pakiwaitara
Tauira KŌrero
Kei a ia mō te kōrero paki.
Nāna i tuku tana paki ki te whakataetae tuhi kōrero a Huia.
I takea mai te paki i ngā wheako o te kaituhi i te wā e tamariki ana ia.