WhakamĀrama Āpitihanga
Mā ngā tukanga tākakā e panoni ai te kaha, te mārō, te kōngohe, te pīngore me te kūtorotoro o te konganuku, me te māmā ki te tapahi. Ko te taumata o te whakawera me te tere whakamātao i te konganuku ngā āhuatanga rerekē o tēnā tukanga tākakā, o tēnā tukanga tākakā. Koia nei ētahi:
- Ko te whakamārō: Ka whakaweratia te konganuku ki tōna pae rewa kātahi ka tere whakamātaohia ki te wai, ki te hinu rānei. Mā tēnei tukanga e mārō ai te konganuku engari ka āhua mōwhakiwhaki anō hoki. Ka whakamārōhia ngā niho me ngā mata o ngā taputapu tapahi maha. Hei tauira o te tukanga whakamārō:
- Ko te whakapūioio: Ko tā tēnei tukanga he whakangāwari i te mōwhakiwhaki o te konganuku i muri mai i te whakamārōtanga, kia āhua pakari ake. Ka whakawerahia te konganuku ki tētahi paemahana kei raro iho i tōna pae rewa, kātahi ka whakamātaohia.
- Ko te whakakōngohe: Ka whakawerahia te konganuku ki runga ake i tōna pae rewa, ka puritia te paemahana ki reira mō tētahi wā, kātahi ka āta whakamātaohia. Mā tēnei tukanga e āhua kōngohe ake ai te konganuku.