!
Welcome to PAEKUPU, words related to Te Marautanga o Aotearoa. Curriculum areas presently available on PAEKUPU: Toi Ataata, Te Reo Matatini, Puoro, Te Reo Pāngarau, Te Reo Pūtaiao, Ngā Mahi a te Rēhia, Hangarau
 
X
Hangarau

pāhopori

social media

tūingoa, tūāhua

WHAKAMĀRAMA

Ko ngā momo ara whakawhitiwhiti kōrero ā-matihiko, inā he hapori ā-ipurangi ka whakatūria hei ara pāhekoheko mā ōna tāngata, hei tuku kōrero, whakaaro, karere, kaupapa atu anō hoki, pērā i te whakaahua, te waiata me te ataata.

Ways of communicating digitally where online communities are established to allow interaction and sharing of information, ideas, messages and other content such as photographs, music and video.

Tauira KŌrero

He aha ētahi tikanga haumaru mō te whakamahi pāhopori?

Ko te pāhopori tētahi ara e tūhonohonotia ai te hunga kōrero Māori.

Ko ngā painga me ngā whakararu o ngā pāhopori te kaupapa o te tautohetohe.

WhakamĀrama Āpitihanga

Ka kīia ngā paetukutuku pāhopori he whatunga pāpori, inā ka tuia te hunga ka whai wāhi atu ki taua pae hei hapori tuihono e whakawhitiwhiti whakaaro ana, e whakawhitiwhiti kōrero ana i waenganui i a rātou anō.

Ko ngā tāngata ka whakaaehia e koe kia whai wāhi atu ki tāu ake pae pāhopori, ka kīia he hoa. E taea ana ō hoa te whakarōpū ki ētahi kāhui hoa, ākene pea he rerekē ngā kaupapa me te āhua o ngā whakawhitinga kōrero ki tēnā kāhui hoa, ki tēnā kāhui hoa.

Ko te mahi hei aukati i te whai wāhi tonu o tētahi hoa ki tō pae pāhopori, ka kīia ko te wetehoa.

Ko ētahi pae pāhopori e mōhio whānuitia ana:

Ko Pukamata: He pae ipurangi hei whakawhitiwhiti kōrero mā ngāi Pukamata, hei tuku whakaahua, ataata, hononga rānei ki pae ipurangi kē. He utukore a Pukamata.

Ko Tīhau: He ratonga ā-ipurangi hei tuku rangitaki poto mā ōna tāngata, hei pānui rānei i ngā rangitaki poto a tangata kē. Kāore i nui atu i te 280 ngā pūtohu o tētahi tīhau. He utukore a Tīhau. Ko te tīhau anō i te rangitaki a tētahi atu tētahi mahi e horapa whānui ai taua rangitaki.

Ko Paeāhua: He ratonga ipurangi hei tuku whakaahua mā ōna tāngata, hei tirotiro i ngā whakaahua ka tukuna e tangata kē. He utukore a Paeāhua.

Ko Atapaki: He taupānga tēnei hei tuku whakaahua me tētahi kōrero poto (mā te pātuhi) ki tangata kē. He rangitahi te Atapaki, arā, he wā poto hei tirotiro, kātahi ka ngaro.

Takenga Mai

pāho - broadcast

pori (pāpori) - social

KUPU KĒ ATU

pāpāho pāpori

Tauira KŌrero

He aha ētahi tikanga haumaru mō te whakamahi pāhopori?

Ko te pāhopori tētahi ara e tūhonohonotia ai te hunga kōrero Māori.

Ko ngā painga me ngā whakararu o ngā pāhopori te kaupapa o te tautohetohe.

WhakamĀrama Āpitihanga