Te Reo Matatini

oropuare

vowel

tūingoa

WHAKAMĀRAMA

Ko tētahi huinga pū o roto i te arapū, e puare ana te tangi. Tekau ngā oropuare o te reo Māori, koia ēnei: a, ā, e, ē, i, ī, o, ō, u, ū.

The set of letters from within the alphabet which have an open sound. The ten vowels in Māori are: a, ā, e, ē, i, ī, o, ō, u, ū.

Tauira KŌrero

Ki ō whakaaro, ko tēhea te oropuare e tino whakamahia ana i te reo Māori?

Ko tāna, he āwhina i te hunga o tāwāhi ki te whakahua tika i ngā oropuare o te reo Māori.

Kua ruarua haere ināianei te hunga e tuhi ana i ētahi oropuare e rua hei whakaatu i te oropuare roa.

WhakamĀrama Āpitihanga

Ki te whai tohutō te oropuare, ka whakaroatia tōna whakahua, ā, ka kīia tērā he oropuare roa. Ki te kore e whai tohutō, he poto te whakahua, ā, ka kīia he oropuare poto. He tino whai tikanga te whakaatu i te oropuare roa, inā te rerekē o te aronga o te kupu. Hei tauira, ko te ‘weta’ me te ‘wētā’, ko te ‘matau’ me te ‘mātau’.

Mēnā e rua ngā oropuare rerekē e noho tahi ana i tētahi kupu, ā, kotahi tonu te oro whakahua, ka kīia tērā he oropuare pūrua. Hei tauira, ko te ‘ae’, ko te ‘ai’, ko te ‘ei’ ētahi oropuare pūrua o te reo Māori. Ehara te ‘oa’ i te oropuare purua, nā te mea he motumotu te whakahua i te ‘o’ me te ‘a’, pērā i te kupu ‘hoa’. Ko te whakahuanga o te oropuare pūrua, ka kīia tērā ko te oro tōpū, nā te mea e noho tōpū ana ngā pū, ā, he oro kotahi te whakahuanga.

Tauira KŌrero

Ki ō whakaaro, ko tēhea te oropuare e tino whakamahia ana i te reo Māori?

Ko tāna, he āwhina i te hunga o tāwāhi ki te whakahua tika i ngā oropuare o te reo Māori.

Kua ruarua haere ināianei te hunga e tuhi ana i ētahi oropuare e rua hei whakaatu i te oropuare roa.

WhakamĀrama Āpitihanga