WhakamĀrama Āpitihanga
I te ao puoro e whāia whānuitia ana, ka whakaingoatia ngā oro ki ngā pū e whitu nei o te arapū Ingarihi: A, B, C, D, E, F, G. Ko te āputa mai i tētahi oro ki taua oro anō ki runga ake (tīkā ake), ki raro iho rānei (mārū ake), ka kīia tērā he waruoro. Koia nei te waruoro mai i te C waenga ki te C o runga ake, i te papa piana:
Tekau mā rua ngā pikinga waehaurua i te roanga atu o tētahi waruoro. Koia nei aua oro i te papa piana, mai i te C waenga ki te C o runga ake. E whakaaturia ana hoki ngā tohu oro ki raro iho. Ko te ‘#’ hei tohu i te piki (he waehaurua te piki ake), ko te ‘♭’ hei tohu i te taka (he waehaurua te heke iho):
Ka kīia te piki (#) me te taka (♭) he tohu whakaauau, ina ka whakapikia, ka whakahekea rānei te oro mā te waehaurua. Ko te tohu oronoa (♮) tētahi atu tohu whakaauau. Mēnā ko te G matua te paeoro o tētahi puoro, ka whai wāhi atu te F piki (F#) i te roanga atu o te puoro, engari ki te tohua tētahi F ki te tohu oronoa, ka whakahekea te F# ki te F noa.
Hei tauira:
