WhakamĀrama Āpitihanga
Koia nei ētahi o ngā wāhanga, ngā momo kōrero rānei e kitea nuitia ana i te nūpepa:
- ko ngā rongo kōrero o te haukāinga;
- ko ngā rongo kōrero o te motu;
- ko ngā rongo kōrero o tāwāhi;
- ko ngā tuhinga hākinakina;
- ko ngā momo pānui, pērā i ngā mate o te wā me ngā hui ā-iwi;
- ko ngā tuhinga whakaaro - arā, ko ngā whakaaro ake o tētahi kaituhi e pā ana ki tētahi kaupapa o te wā;
- ko ngā reta, arā, ko ngā whakaaro o te hunga pānui mō tētahi kaupapa o te wā;
- ko te hau ētita, arā, ko ngā whakaaro o te tumuaki o te nūpepa e pā ana ki tētahi kaupapa o te wā;
- ko ngā tuhinga ngahau, arā, ko ētahi o ngā kaupapa ka taka ki tēnei wāhanga o te nūpepa, ko te tunu kai, ko ngā kiriata hou o te wā, ko ngā putanga puoro o te wā, ko ngā tuhinga akoako, ko ngā kōrero hauora, ko ngā tuhinga ngutungutu, koia ētahi;
- ko ngā whakatairanga, arā, ko ngā pānui hokohoko;
- ko ngā rongo inamata, arā, ko ngā rongo kōrero hou kātahi anō ka puta i mua tata i te putanga o te nūpepa.
- ko te āpitihanga, arā, he wāhanga motuhake o te nūpepa e hāngai ana ki tētahi kaupapa, pērā i te hākinakina, i te ao toi, i te ao mātauranga, i te ahuwhenua me te haere ki tāwāhi.
Hei tauira o ētahi āhuatanga tuhi e kitea ana i te nūpepa:*
*Toi te Kupu Ngā Kōkō Tātaki o Ngā Manu Kōrero. Nā Huia i whakaputa i te Paengawhāwhā 2014.