nuka tito nekehanga

WhakamĀrama Āpitihanga

Koia nei ētahi o ngā nuka tito nekehanga matua me ngā whakamārama:

• Ko te tāruarua, arā, ko te hoki anō ki ngā nekehanga o mua. I ētahi wā, he auau te tāruarua. Hei tauira:

• Ko te tāwhai, arā, ko te whai a tētahi kaikanikani i ngā nekeneke a tētahi, me te tārua i aua nekehanga. Hei tauira:

• Ko te huri kōaro, arā ka tīmata tētahi nekehanga mai i tōna mutunga, ka hoki whakamuri ai ki te tīmatanga o te nekehanga. Hei tauira:

• Ko te huripoki, arā, ka huri kia tauaro te nekehanga. Hei tauira, ko te peke whakamuri te huripokinga o te peke whakamua. Hei tauira:

• Ko te kōrori, arā, ko te whakakotiti i te tū, i te neke rānei o te tinana. Hei tauira:

• Ko te tāpiripiri, arā, ka tāpiria haerehia tētahi nekehanga ki te/ngā nekehanga o mua. Ko te A, AE, AEH, AEHI tētahi whakamārama poto mō tēnei nuka. Hei tauira:

• Ko te whakakaurahi, arā, ka whakanuia ngā nekehanga kia rahi ake, kia teitei ake, kia roa ake. Ka whai wāhi hoki i konei ko te whakakauriki i ngā nekehanga kia iti ake. Hei tauira:

• Ko te neke inaki, arā, te tāruarua a tētahi kaikanikani i ngā nekeneke a tētahi i muri tata iho, kia inaki tonu. Hei tauira:

• Ko te whakaata, arā, he ōrite, he ngātahi ngā nekeneke a ētahi kaikanikani tokorua, mata ki te mata, ko tētahi te whakaatanga o tētahi. Hei tauira:

• Ko te whakaniko, arā, ko te tāpiri i ētahi nekehanga huatau. Hei tauira:

• Ko te whakawhiti, arā, ka whakawhitia te nekehanga ki tētahi wāhanga kē atu o te tinana. Hei tauira:

• Ko te neke pāhekoheko, arā, e rua ngā rerenga nekeneke rerekē e haere ngātahi ana. Hei tauira: