ngawhere

WhakamĀrama Āpitihanga

He tino pōturi te tukanga ngawhere, arā, mā roto i ngā tau maha tonu e ngawhere ai he toka.
E rua ngā momo ngawhere matua:

• Ko te ngawhere wakuwaku:
  Hei tauira, ko te paopao mai o te ua; ko te ia o te wai; ko te papaki mai o te ngaru; ko te tukituki o ngā toka e kawea mai ana i te ia o te wai; ko te rere o te awa kōpaka; ko te waku o ngā korakora puehu e pūhia ana e te hau, e kaikai ana i te mata o te toka; ko te hīkoi a te tangata, a te kararehe rānei; ko te whātoro atu o te pakiaka tipu ki roto i ngā piere toka ka wehewehe ai; ko te whakamakoha o te wai i roto i tētahi piere toka ina whakatio.

• Ko te ngawhere kawekawe:
  Hei tauira, ko te mahi a ētahi haurehu o roto i te ua me te kōhauhau o Papatūānuku ki te whakamemeha i ētahi toka kohuke; ko te hahana o Tamanuiterā ki te whakatere i ngā tauhohe matū e haere noa ana i te mata o tētahi toka.