WhakamĀrama Āpitihanga
He pūnaha whakatika parakaingaki te nakunaku hāora-kore, arā, mā te mahi a te moroiti i te pūnakunaku hāora-kore, e nakunaku ai, e ngāwherewhere ai te matū pararopi. I reira ka puta te haurehu koiora, ā, ka toe mai he whakahaumako, he nui te hauota kei roto. Ka hopukina te haurehu koiora, ā, ka tahuna hei whakaputa pūngao. Hei tauira o tēnei tukanga:
Nō te tau 2022 i whakatūria ai he taupuni nakunaku hāora ki Reporoa, i te puku o Te Ika a Māui. He pūnakunaku koiora matarahi, ā, ka kawea atu te para kai o Tāmakimakaurau me ētahi atu wāhi ki reira. Ka kapohia te haurehu koiora ka puta i te pūnakunaku, ā, ka hurihia hei pūngao, hei whakahaumako anō hoki. Koia rā e kīia ai te tukanga nei, ko te 'para ki te pūngao'. Ko te tohe a ētahi, he kaupare tēnei i te haepapa ki te whakaiti i te para kai; he whakatū i tētahi ahumahi hou hei mahi moni mā ngā kamupene nui; he tango atu i te para kai me ōna pai i ngā pūnaha kai ā-whānau, ā-hapori, waihoki ka tahuna he koranehe hei kawe i te para kai ki te taupuni i Reporoa.