Ko te auahi kore tētahi kaupapa whānui o roto i te hapori, hei aukati i te momi ki ngā wāhi tūmatanui, hei āwhina hoki i te hunga momi kia whakarērea tērā mahi kimimate.
Ko te momirehu tētahi mahi kua ara ake i te tekau tau kua pahure nei. Ka momia te tākohu ka hua ake i te whakawera i tētahi wē, he nikotini, he tāwara, he matū kē atu kei roto. Ka whakawerahia tēnei wē ki roto i te pūrere e kīia nei he īhikareti.
Ina noho te tangata ki te takiwā e momi tupeka ana tētahi, ka uru te auahi tupeka ki roto i ōna anō pūkahukahu. Ka kīia tērā ko te momi hāngū, ā, he āhuatanga tērā ka tino pā ki te tamariki e noho ana ki roto i te whare e momia ana te tupeka, te tarutaru, te rehu rānei.
Takenga Mai
momi - to suck
Tauira KŌrero
E heke haere ana te ōrau o te hunga taiohi e momi tupeka ana.
He tangata momi hikareti au i taku taiohinga, engari he mahi tino matakawa ki a au ināianei.
Ko tāna i tohe ai, kua tae te wā me aukati te momi i ngā wāhi tūmatanui katoa.