He kupu, he kōrero rānei ka tukuna hei whakatau i tētahi tangata, hei whakamiha i a ia, i tētahi kaupapa rānei.
Words or a speech given as a welcome to someone, to pay tribute to them, or in appreciation of something.
Tauira KŌrero
Ka tae atu mātou ki reira, ka mihia e te haukāinga.
He ātaahua te wairua o tana mihi ki ngā tūao, nā rātou ngā mahi nui i pīkau.
Ko taku mihi nui ki a koe e hoa, nōu te whakaaro kia pēnei tā tātou whakanui i a Matariki i tēnei tau.
WhakamĀrama Āpitihanga
Ko te mihi, te mihimihi rānei tētahi tikanga Māori o te whakahaere hui, ka haere i roto i te wharenui, i muri i te pōhiri ki runga marae ātea, ka haere rānei ki ngā tari, ki ngā wāhi mahi, ki ngā kura, otirā ki ngā wāhi maha e whai ana i te tikanga Māori. I konei ka whai wāhi ngā tāngata e huihui ana ki te tuku whakaaro ki te haukāinga, ki te manuhiri, ki te kaupapa hoki o te hui. Ko tētahi wāhanga o roto i te mihimihi, ko tā te tangata whakamōhio i a ia ki te minenga, me tana tūhono anō ki tangata kē, otirā ki te kaupapa o te hui.
Ka kuhu ana ki roto i te wharenui, ka kīia te taha mauī ko te tara iti o te whare, ki reira noho ai te iwi kāinga, ko te rangatira ki te kokonga o mua. Ka kīia te taha matau ko te tara nui o te whare, ki reira noho ai te manuhiri, ko te rangatira ki te kokonga o mua o tērā taha. Mā te rangatira o te haukāinga e tīmata ngā mihimihi, ka haere mā te tara iti ki te tara nui, ka oti atu ki te rangatira o te manuhiri, kātahi ka hoki anō hei whakakapi mā te haukāinga. He pērā te whakahaere o ngā mihimihi i te nuinga o ngā marae.
KUPU KĒ ATU
mihimihi
Tauira KŌrero
Ka tae atu mātou ki reira, ka mihia e te haukāinga.
He ātaahua te wairua o tana mihi ki ngā tūao, nā rātou ngā mahi nui i pīkau.
Ko taku mihi nui ki a koe e hoa, nōu te whakaaro kia pēnei tā tātou whakanui i a Matariki i tēnei tau.