Ngā Toi

mau rākau

Māori weaponry

tūingoa

WHAKAMĀRAMA

He kupu whānui e pā ana ki tā te Māori hāpai i ngā mata a Tū. I ngā wā o mua, ko te pakanga te mahi, i ēnei rā, ko te kawa o te marae, ko te mahi a te rēhia, ko te whakaū i te tuakiri tangata me tōna hauora ā-tinana, ā-hinengaro, ā-wairua, ā-pori anō hoki.

A general term relating to the Māori use of traditional weapons. In former times, this was focused on waging war, in more recent times, on formal marae ceremony, the performing arts and elevating personal identity and well-being - physical, mental, spiritual and social.

Tauira KŌrero

Ko Mita Mohi tētahi o ngā tohunga mau rākau o mua tata nei, nāna i whakatū te kura para whakawai o Te Arawa ki te moutere o Mokoia.

E ākona ana te mau rākau i te kura, he mahi whai oranga mā ngā ākonga.

E tino kitea ana te tohungatanga o ētahi kapa ki te mau rākau.

WhakamĀrama Āpitihanga

Ko tētahi āhuatanga matua o te tangata mau rākau, ko te kakama, ko te raka o ōna waewae. Ko te rakanga waewae te tūāpapa e kaiaka ai te tangata ki te mau rākau.

Koia nei ētahi o ngā rākau a Tū:

Ko te taiaha. Mahia ai ki te rākau mārō, pērā i te maire, te kānuka me te rātā. Ko te nuinga, kei waenganui i te 1.5 me te 1.9 mita te roa. He koi tētahi pito hei wero i te hoariri, koia te arero o te taiaha. He papatahi te rau o te taiaha, koia hei pātuki. Ko te papare i ngā pao a te hoariri tētahi whakamahinga matua o te taiaha.