Hangarau

matohi

alert (computing)

tūingoa

WHAKAMĀRAMA

He kōrero whakaohiti ka puta ki te mata o te rorohiko, pērā i te whakaohiti wheori.

A message of warning which appears on the computer screen, such as a virus alert.

Tauira KŌrero

Kaua e huri tuarā ki ngā matohi wheori, kei raru tō rorohiko.

Kaua e huaki poka noa i ngā matohi ka taetae atu ki tō rorohiko, he teka ētahi, he tinihanga kia whākina ētahi o ō kōrero tūmataiti.

Ka whakakāngia e ia tana rorohiko, ā, i reira te matohi wheori e kōhikohiko mai ana.

WhakamĀrama Āpitihanga

Ina tukuna he tuhinga ki te ipupara, ka puta tētahi pouaka matohi e pātai ana mēnā koirā pū tō hiahia, kia mukua atu taua tuhinga. Hei tauira:

Arā ētahi nanakia e whai ana ki te whakararu i ngā rorohiko, pūnaha rorohiko rānei a ētahi atu. Ka kīia ēnei nanakia he mūrere. Ko te takakino noa iho te whāinga a ētahi mūrere, ko te whai painga mō rātou anō rānei te take. Hei tauira, ko te tiki ake i ētahi kōrero tūmataiti kāore e tika ana kia riro i a rātou, ko te tango moni rānei i te pūtea pēke a tētahi atu. Mēnā e mataara ana tō rorohiko ki ēnei mahi a te mūrere ka puta he matohi haumarutanga.

Takenga Mai

matohi (tūmatohi) - watchful, alert, vigilant

Tauira KŌrero

Kaua e huri tuarā ki ngā matohi wheori, kei raru tō rorohiko.

Kaua e huaki poka noa i ngā matohi ka taetae atu ki tō rorohiko, he teka ētahi, he tinihanga kia whākina ētahi o ō kōrero tūmataiti.

Ka whakakāngia e ia tana rorohiko, ā, i reira te matohi wheori e kōhikohiko mai ana.

WhakamĀrama Āpitihanga