WhakamĀrama Āpitihanga
Ko te tukanga mātātuhi māmā rawa atu e whāia ana i te kura, ko te tapahi āhua i tētahi papanga pērā i te hautai, ko te tiki atu rānei i tētahi āhua i te taiao, me te pani i taua āhua ki te peita, ki te waituhi rānei, koia hei tā ki te pepa:
Ko ētahi atu momo, ko te mātātuhi kahupeka, ko te mātātuhi poro rākau me te mātātuhi raumata.
Tērā e kitea, e tū ana ki runga ētahi wāhi o te kahupeka, arā, ngā wāhi kāore i haea ki te whao, ka kīia ērā ko ngā wāhi tōrunga o te mātātuhi. Ka pania ngā wāhi tōrunga ki te waituhi, ā, ko ērā ka tāngia ki te pepa. Ko ngā wāhi ka tīkarongia atu, e noho ana ki raro, ka kīia ērā ko ngā wāhi tōraro o te mātātuhi. Kāore te waituhi e tau atu ki ngā wāhi tōraro o te kahupeka, nō reira kāore e tāngia ki te pepa, ka noho tea tonu ērā wāhi:
He tauira anō tēnei o te tōrunga me te tōraro i tētahi mātātuhi poro rākau:
Charlotte Graham
Te Rā o te Ruru
He mātātuhi poro rākau