Mātauranga Whānui

marau (ako)

subject (for learning and teaching)

tūingoa

WHAKAMĀRAMA

He wehewehenga akoranga ka āta arohia e te kura, e te pouako hei wānanga, hei rangahau, hei tirotiro mā te ākonga.

Divisions of learning that a school or teacher purposefully focus on for deliberation, research and exploration by students.

Tauira KŌrero

He kaupapa tēnei ka tūhono atu ki ētahi marau maha.

E tohe ana ētahi me mātua aro te kura ki ngā marau whāiti e rua nei, te reo me te pāngarau i roto i ngā kaupapa ako katoa.

I te wāhanga tuakana o te kura tuarua ka huakina te kūaha ki ētahi whiringa marau ako maha.

WhakamĀrama Āpitihanga

E whitu ngā wāhanga ako o roto i Te Marautanga o Aotearoa. He momo wehewehenga anō ngā wāhanga ako nei i tēnei mea te mātauranga, koia ko te reo, ko te pāngarau, ko te pūtaiao, ko ngā toi, ko te tikanga ā-iwi, ko te hauora me te hangarau.

Ka tūhono atu ngā marau ako ki ēnei wāhanga ako. Hei tauira, ko te mātau ahumoni ka mātua tūhono atu ki te tikanga ā-iwi me te pāngarau. Ko te taiao māori ka mātua tūhono atu ki te pūtaiao, ki te tikanga ā-iwi me te hauora.

Ka wehewehea e te pouako, e te kura ngā marau ki ētahi kaupapa ako whāiti e hāngai ana ki te ao o ngā ākonga, e hāngai ana ki te hapori me te marautanga ā-kura. Hei tauira o ētahi kaupapa ako o roto i te marau o te taiao māori, ko te rongoā māori, ko te whakaiti para, ko te whakawairākau, ko te tini a-Tāne.

Katoa katoa ngā wāhanga ako, katoa katoa ngā marau, katoa katoa ngā kaupapa ako, ko te reo te pūtake, ko te reo te waka e ākona ai, e whakapūahotia ai ngā mātauranga o roto. Ka kīia tēnei āhuatanga ko te toro o te reo i te marautanga tukipū.

Ko te marau ako e tino whāia ana i roto i tētahi ara mātauranga, i tētahi tohu whare wānanga rānei, ka kīia he marau ako mātāmua. Hei tauira o ētahi marau ako mātāmua i te Tohu Paetahi Toi Tangata, ko te reo Māori, ko te hītori, ko te ōhanga. I tua atu i te marau ako mātāmua, ko ngā marau ako kōwhiri ka haere i te taha kia eke te maha o ngā akoranga hei whakatutuki mā te ākonga i tana tohu.

Takenga Mai

marau - subject of talk

Tauira KŌrero

He kaupapa tēnei ka tūhono atu ki ētahi marau maha.

E tohe ana ētahi me mātua aro te kura ki ngā marau whāiti e rua nei, te reo me te pāngarau i roto i ngā kaupapa ako katoa.

I te wāhanga tuakana o te kura tuarua ka huakina te kūaha ki ētahi whiringa marau ako maha.

WhakamĀrama Āpitihanga