WhakamĀrama Āpitihanga
E rua ngā huinga raraunga hei whakatauira i tēnei mea te maneitanga:
- Ngā oma a Ākuhata i ana kēmu kirikiti i te tau 2003: 56, 43, 67, 75, 53, 61, 40, 32, 76, 85, 46, 68
- Ngā oma a Tīpene i ana kēmu kirikiti i te tau 2003: 89, 78, 3, 78, 0, 1, 5, 6, 67, 102, 0, 15
Ka whakaaturia ēnei raraunga ki te kauwhata rautō hiato:
He mārama te kitea o te rerekē o te tuari o ēnei huinga raraunga e rua. E rāpoi ana ngā omaoma a Ākuhata, i ia kēmu kei te takiwā o te 30 ki te 80 āna oma. Engari a Tīpene! E manei ana ngā oma a Tīpene. Ka piki, ka heke! I tētahi kēmu he autaia, i te kēmu i muri mai, kei raro e putu ana!
He kauwhata rārangi tēnei, e whakaatu ana i te kaha o te pupuhi o te hau i ia rā i tētahi wiki. E manei ana ēnei raraunga. Arā, he kaha te hau i tētahi rā, he ngoikore i te rā i muri mai:
