Ko ngā mahi whakamutunga hei whakaputa ataata, whakaahua, kiriata rānei, ka taka ki muri i te hoputanga o ngā ata taketake.
The finishing tasks required to produce a video, a photograph or film that happen after the capturing of the raw images.
Tauira KŌrero
Rārangihia mai ngā mahi whakaputa takamuri hei whakaputa i tā koutou ataata.
He aha te papatono e whakamahi ana rātau hei whakatutuki i ngā mahi whakaputa takamuri?
He wā poto noa iho hei whakaoti māu i ngā mahi whakaputa takamuri - ki te hoe e tama!
WhakamĀrama Āpitihanga
Koia nei ētahi o ngā mahi whakaputa takamuri, e oti ai tētahi ataata:
Ko te takatā ataata, arā, ka āta whakarite i ngā hopunga taketake kia pai ai te rere o te ataata. Ka tangohia atu ngā wāhanga e hapa ana, ngā wāhanga kāore e hiahiatia ana, ka tapahia, ka honoa ngā hopunga e hiahiatia ana. Ka whakaurua hoki he ata mariko, he orotaunaki, he puoro, he reo āpiti, he tūmomo whakarākeitanga kē atu rānei, e puta ai te wairua me te aronga o te ataata e hiahiatia ana.
Ko te whakauru i ngā kupu hauraro, arā, ko ngā kōrero hei pānui mā te hunga turi, ko te whakamāoritanga, te whakapākehātanga rānei o ngā kōrero e rangona ana i te ataata.
Ko te whakauru i ngā ingoa, i ngā tapanga me ngā whakamihi i te tīmatanga, i te mutunga rānei o te ataata.
Ko ngā mahi whakaputa takamua, koirā ngā whakariterite i mua i te hoputanga o ngā ata taketake, pērā i te waihanga i te papa paki, i te whakarite mahere pūtea, me ngā wāhi e hopukina ai ngā ata, i ngā kiriwhakaari me ērā atu tōmomo mea.
Tauira KŌrero
Rārangihia mai ngā mahi whakaputa takamuri hei whakaputa i tā koutou ataata.
He aha te papatono e whakamahi ana rātau hei whakatutuki i ngā mahi whakaputa takamuri?
He wā poto noa iho hei whakaoti māu i ngā mahi whakaputa takamuri - ki te hoe e tama!