mahi

operation (computing)

WHAKAMĀRAMA

He kawenga, he whakapaunga kaha, e puta ai he hua. E whā ngā mahi matua e taea ana e tētahi rorohiko - ko te whiwhi i ngā raraunga ka whakaurua, ko te tukatuka raraunga, ko te whakaputa otinga, ko te rokiroki raraunga.

An action, an expenditure of energy in order to produce a result. There are four basic operations that a computer can perform - receiving data, processing data, outputting a result, and storing data.

Tauira KŌrero

Tuhia mai ētahi mahi arorau e taea ana e tētahi pūtirotiro tukutuku.

Me pēhea te whakawaehere i te mahi a te karehiko ki te huri mauī?

Mā te papatono whakahiato o te rorohiko tonu e whakawaehere ngā tono mahi ka whakaurua.

WhakamĀrama Āpitihanga

Ka kīia ngā mahi tau, he paheko, arā, ko te tāpiri, te tango, te whakawehe me te whakarea ērā paheko tau e whā.

Ka taea e te pūtukatuka matua o te rorohiko ngā paheko tau, ka taea hoki he mahi arorau. E whitu ngā mahi arorau matua, ā, ka whakawaeheretia ēnei mahi ki te reo tāhūrua. I te reo tāhūrua, ko te mati 0 e tohu ana i te hē, ko te mati 1 e tohu ana i te tika.

Ko te AND tētahi o ngā mahi arorau, ā, ka kīia te AND he tohutūmahi. Ka whakamahia tēnei mahi arorau, te AND, i roto i ngā momo pūtirotiro tukutuku, pērā i te kimi kōrero mō te 'wai māori' AND 'huringa āhuarangi'. Ka puta i tērā tirotiro he rārangi kōrero e hāngai ana ki ēnei mea e rua nei.

Mō te whakawaehere i tērā tono me te huaputa ki te reo tāhūrua: Ka puta he hua mēnā he '1' te tāurunga tuatahi (mō te wai māori), he '1' hoki te tāurunga tuarua (te huringa āhuarangi). Koia anake ngā kōrero ka whai wāhi atu ki te rārangi kōrero ka hua ake i te pūtirotiro tukutuku:

wai māori	huringa āhuarangi	huaputa
0	0
0	1
1	0
1	1	1

Ko te OR tētahi atu o ngā mahi arorau matua. Mēnā ka whakaurua te 'wai māori' OR 'huringa āhuarangi' ki te pūtirotiro tukutuku, koia kē nei te whakawaehere ki te reo tāhūrua:

wai māori	huringa āhuarangi	huaputa
0	0
0	1	1
1	0	1
1	1	1

I tēnei tirotiro ka whai wāhi atu ngā kōrero e pā ana ki te wai māori, ki te huringa āhuarangi, ki ngā mea e rua anō hoki.

Tuhia mai ētahi mahi arorau e taea ana e tētahi pūtirotiro tukutuku.

Me pēhea te whakawaehere i te mahi a te karehiko ki te huri mauī?

Mā te papatono whakahiato o te rorohiko tonu e whakawaehere ngā tono mahi ka whakaurua.