!
Welcome to PAEKUPU, words related to Te Marautanga o Aotearoa. Curriculum areas presently available on PAEKUPU: Toi Ataata, Te Reo Matatini, Puoro, Te Reo Pāngarau, Te Reo Pūtaiao, Ngā Mahi a te Rēhia, Hangarau, Tikanga ā-Iwi, Hauora
 
X
Hauora

mae ~a

phobia

tūingoa, tūmahi poro

WHAKAMĀRAMA

He momo mate ka takea mai i te anipā o te tangata, i tōna mataku, i tōna pāihi ki tētahi mea, ki tētahi mahi rānei, pērā i te pāhekoheko ki tangata kē i tētahi pūāhua pāpori.

A type of condition or disorder which arises from a person's anxiety, fear and dismay toward something or some activity, such as interacting with others in a social situation.

Tauira KŌrero

E tino whai ana ia kia patua tana mae tīkoke kia kore ai ia e maurirere ina piki ki te wāhi teitei.

Mai rā anō tana mae ki te tū ki mua i te tokomaha tuku kōrero ai.

Ka tino panapana tōna manawa, ka āhua ānini te māhunga, ka kīkiki te reo, ka werawera ina pākia ki te mae apiapi.

WhakamĀrama Āpitihanga

Koia nei ētahi momo mae:

  • Ko te mae ahoaho. He momo mae pāpori, e mataku ana te tangata ki te noho ki waenga i te takitini, ki tētahi wāhi rānei ki waho i tōna kāinga.
  • Ko te mae apiapi. Ka anipā katoa te tangata ina noho ia ki tētahi wāhi kōpā, pērā i te ararewa.
  • Ko te mae tū. E tino mataku ana te tangata ki te tū ki mua i te tokomaha tuku kōrero ai, whakaataata ai.
  • Ko te mae tīkoke. E tino mataku ana te tangata ki te piki i ngā wāhi teitei.
  • Ko te mae rere. E tino mataku ana te tangata ki te haere i te waka rererangi.
  • Ko te mae pō. E tino mataku ana te tangata ki te pōuriuri.
  • Ko te mae toto. Ka maurirere te tangata ina kite ia i te toto – ōna ake, ō tangata kē rānei.
  • Ko te mae pūngāwerewere. E tino mataku ana te tangata ki te pūngāwerewere.

Arā hoki ngā momo mae ka takea mai i te mataku, i te matakawa rānei o te tangata ki te hōkakatanga, ki te tuakiri ā-ira rānei o tangata kē. Ka whakahāwea ia ki aua tāngata rā. Ko te mae takatāpui me te mae hōkakarua, ko te mae irawhiti hei tauira.

Takenga Mai

mae - to be overcome with fear

Tauira KŌrero

E tino whai ana ia kia patua tana mae tīkoke kia kore ai ia e maurirere ina piki ki te wāhi teitei.

Mai rā anō tana mae ki te tū ki mua i te tokomaha tuku kōrero ai.

Ka tino panapana tōna manawa, ka āhua ānini te māhunga, ka kīkiki te reo, ka werawera ina pākia ki te mae apiapi.

WhakamĀrama Āpitihanga