Te Reo Matatini

kupu kaupapa

subject specific word, technical word, topic word, jargon

tūingoa

WHAKAMĀRAMA

He kupu e tino whai tikanga ana, e tino whakamahia ana i roto i tētahi kaupapa whāiti, i roto rānei i tētahi whaitua reo whāiti.

A word that has particular application and meaning within a subject area or language domain, and is used often in that area or domain.

Tauira KŌrero

Nāna i whakarārangi ētahi kupu kaupapa ki te papa tuhituhi hei āwhina i ngā ākonga.

Mēnā he nui te hautanga o ngā kupu kaupapa i tētahi tuhinga, he uaua ake te pānui me te hanga māramatanga ki taua tuhinga ki te kore e taunga te kaipānui ki taua kaupapa rā.

Ki te kore e whakamahia ngā kupu kaupapa, he pāpaku noa iho te whakawhitiwhitinga whakaaro e pā ana ki taua kaupapa.

WhakamĀrama Āpitihanga

Hei tauira o te kupu kaupapa:

  • Ko te ‘pākati’ i te mahi whakairo.
  • Ko te ‘hāpine’ i te mahi raranga.
  • Ko te ‘hauhā’ i te pūtaiao.
  • Ko te 'tūmahi' i te reo matatini.

I ētahi wā, he tikanga tō te kupu i roto i te reo o ia rā, he tikanga kē atu i roto i tētahi kaupapa whāiti. Hei tauira, ko te ‘ira’:

  • Ko te tongi tōna tikanga i ngā kōrero o ia rā.
  • I te ao pūtaiao, koia tētahi wāhanga o roto i te karihi o ngā pūtau o tētahi rauropi, e kawe ana i ngā āhuatanga tuku iho o taua rauropi.

KUPU KĒ ATU

kupu whāiti

Tauira KŌrero

Nāna i whakarārangi ētahi kupu kaupapa ki te papa tuhituhi hei āwhina i ngā ākonga.

Mēnā he nui te hautanga o ngā kupu kaupapa i tētahi tuhinga, he uaua ake te pānui me te hanga māramatanga ki taua tuhinga ki te kore e taunga te kaipānui ki taua kaupapa rā.

Ki te kore e whakamahia ngā kupu kaupapa, he pāpaku noa iho te whakawhitiwhitinga whakaaro e pā ana ki taua kaupapa.

WhakamĀrama Āpitihanga