WhakamĀrama Āpitihanga
Ko te kū tētahi taonga autangi tuku iho a te Māori, he mea hanga ki te pirita, arā, te kareao. Ka tīwhanatia te pirita, ā, ka herea ngā pito ki te au (te aho), kia pūmau tonu te piko, kia kikī te au. Ka puta tōna reo mā te katokato i te au, mā te raraku, mā te pākuru rānei ki tētahi rākau iti. Ka mau tētahi pito o te kū ki te waha o te tangata, ā, mā te whakahāmama i te waha me te whakamārōrō i te au e rerekē ai te tangi.
