kitā

WHAKAMĀRAMA

He taonga puoro autangi e tino whakamahia ana i ngā momo puoro maha o ēnei rā. E ono ngā aho ō te nuinga, ā, ka puta tōna reo i te raraku, i te katokato, i te pākuru rānei i ngā aho.

A type of stringed instrument which is widely used in contemporary music. Most have six strings and the sound is produced by strumming, plucking or hitting the strings.

Tauira KŌrero

Nā wai koe i ako ki te whakatangi kitā?

He pai ake ki a ia te kitā hihiko.

Kia pēnei ngā matimati hei whakatangi i te tangiata G i te kitā.

WhakamĀrama Āpitihanga

Koia nei ngā wāhanga matua o te kitā orooro:

Ka puta te reo o te kitā i te tōiriiri o ngā aho. Mā te tinana e whakakaha te reo kia pāorooro, kia puta hoki tōna hā.

Mā te pēhi i te aho ki te paparipa hei whakapoto i te aho, ka tīkā ake tōna tangi. Koia nei ngā tohu puoro mō ētahi tangiata māmā i te kitā:

Koia nei te ritenga matua mō te tangi o ngā aho, me ngā āputa kei waenganui. Mā te huri i ngā kōwiri e whakatikahia ai te tangi o ngā aho:

I ētahi kitā, he ngaiaku ngā aho, i ētahi he maitai. He māmā ake te pēhi i te aho ngaiaku ki te paparipa i te pēhi i te aho maitai. He rerekē te hā o te oro ka puta i te aho ngaiaku me te aho maitai.

He kitā hiko tēnei me ōna wāhanga. Ko tā ngā hopuoro, he hopu i ngā oro ka puta i te tōiriiri o ngā aho, ka tuku atu ai ki te whākaha. He maha ngā momo rāwekeweke e taea ana e te whākaha e puta ai ngā oro rerekē, ngā hā rerekē:

I tēnei whakaahua, kua whakamaua he whakakopa ki te kitā, koia hei whakahī i te tangi o ia aho. Mā konei e hīkina ai te tangi o tētahi waiata, engari ka pūmau tonu ngā tangiata.