arotoka ~ngia

stereotype, stereotypical

WHAKAMĀRAMA

He whakaaro kua tino tau, kua ita ki roto i te hinengaro o te tangata e pā ana ki tētahi rōpū, ki tētahi kaupapa rānei. I te nuinga o te wā, he whakaaro tātā i taua rōpū, i taua kaupapa rānei.

A notion that is fixed in a person's mind regarding a specific group of people, or a particular initiative. Usually it carries a negative connotation toward the group or initiative.

Tauira KŌrero

He aha ētahi o ngā arotoka e tāmi tonu ana i te hunga takatāpui o Aotearoa?

Āta pānuihia tēnei kōrero, ka tautohu ai i ngā arotoka o roto.

Ahakoa te huri o ngā tau, e mau tonu ana ētahi o ngā arotoka o mua ki te iwi Māori.

WhakamĀrama Āpitihanga

Ko tētahi arotoka o te ao rātō o mua, ko te tuku i te māwhero hei tae mō te kōtiro, ko te kahurangi mō te tama. Waihoki ko te tāre te taonga tākaro e tika ana mā te kōtiro, ko te taraka mā te tama. Ka kīia tērā he arotoka ā-ira.

Ko ngā tirohanga arotoka a ētahi ka takea mai i te whakaaro kaikiri ki te rōpū e arotokangia ana. Ko ētahi ka takea mai i te kūare, i te kore mōhio o te tangata ki te rōpū e arotokangia ana. Ko te tohe a ētahi, e horapa ana tā te hunga pirihimana arotoka i te Māori i Aotearoa, me te aha, he tere te uta atu i tētahi taihara ki te tangata Māori. He tauira tēnei o te arotoka kaikiri, waihoki he arotoka whakakino.

Ko te arotoka ahurea, koia te whakaaro he rite katoa ngā tāngata o tētahi ahurea. Hei tauira, ko te arotoka a ētahi he pai katoa ngā Māori ki te waiata; he pai ngā kiri Āhia katoa ki te pāngarau. Ka kīia hoki ēnei he arotoka ā-iwi, waihoki he arotoka whakapai, nā te mea e tohua ana tētahi āhuatanga pai.

aro - take heed of, be inclined toward

aro (whakaaro) - thought

toka - rock, be firm

kiritoka

whakapouaka

He aha ētahi o ngā arotoka e tāmi tonu ana i te hunga takatāpui o Aotearoa?

Āta pānuihia tēnei kōrero, ka tautohu ai i ngā arotoka o roto.

Ahakoa te huri o ngā tau, e mau tonu ana ētahi o ngā arotoka o mua ki te iwi Māori.