Tikanga ā-Iwi

kiritaki

client, customer, consumer

tūingoa

WHAKAMĀRAMA

Ko te tangata, ko te rōpū rānei e hoko ana, e whakamahi ana, e whakapeto ana rānei i tētahi hautaonga, i tētahi ratonga, i tētahi rawa rānei.

A person or group who purchases, uses or consumes goods, services or resources.

Tauira KŌrero

Ko tā ngā whakahaere hoko rawa, he rangahau i ngā hiahia o ngā kiritaki.

Nā runga i te popono a ngā kiritaki kua tahuri ētahi hokomaha ki te whakaiti i ngā tākai kirihou.

Ko wai mā te hunga kiritaki e mātua hoko ana i ērā momo kākahu?

WhakamĀrama Āpitihanga

Ko te hangapori kiritaki, koirā te āhua o te hunga e mātua hoko ana, e mātua whakamahi ana rānei i tētahi rawa, i tētahi hautaonga, i tētahi ratonga rānei. Koia rā ko te reanga pakeke, mēnā he wahine, he tāne, ko te wāhi noho me erā atu tū āhuatanga.

Ko te popono kiritaki, koirā te nui o te hiahia o te hunga kiritaki ki te hoko, ki te whakamahi rānei i tētahi rawa, i tētahi hautaonga, i tētahi ratonga rānei. Mā runga i te popono kiritaki e mōhio ai ngā kaiwhakaputa ki te maha o ngā hautaonga hei hanga mā rātou.

Mēnā ka kaha hiahia te hunga kiritaki ki tētahi momo hautaonga, ki tētahi momo ratonga rānei, ka arohia tērā e ngā kaiwhakaputa, e ngā kaiwhakarato. Ka kīia tērā ko te mana kiritaki ki te whakaaweawe i te mākete tauhokohoko. Ko te hiahia o te hunga kiritaki kia whakaitia ngā tākai kirihou tētahi tauira o te mana kiritaki.

Tauira KŌrero

Ko tā ngā whakahaere hoko rawa, he rangahau i ngā hiahia o ngā kiritaki.

Nā runga i te popono a ngā kiritaki kua tahuri ētahi hokomaha ki te whakaiti i ngā tākai kirihou.

Ko wai mā te hunga kiritaki e mātua hoko ana i ērā momo kākahu?