!
Welcome to PAEKUPU, words related to Te Marautanga o Aotearoa. Curriculum areas presently available on PAEKUPU: Toi Ataata, Te Reo Matatini, Puoro, Te Reo Pāngarau, Te Reo Pūtaiao, Ngā Mahi a te Rēhia, Hangarau, Tikanga ā-Iwi, Hauora
 
X
Tikanga ā-Iwi

apiapi

dense, density

tūingoa, tūmahi poro, tūāhua

WHAKAMĀRAMA

He inenga tēnei e tohu ana i te maha o tētahi momo, o tētahi mea rānei e noho ana ki tētahi rohe.

A measurement which shows the population of a species, or the number of a particular item in a certain area. 

Tauira KŌrero

Whakatairitea te apiapi taupori o Aotearoa me tō Ahitereiria.

He āhua ōrite te rahi o ngā whenua o Hapani me Aotearoa, engari he tino apiapi kē atu te noho mai o te tangata ki Hapani.

He whenua iti a Hingapō, engari he tino apiapi te noho mai o te tangata ki reira - e pātata ana ki te rima miriona i te whenua e 625km2 noa iho te rahi.

WhakamĀrama Āpitihanga

He mahere tēnei e whakaatu ana i te apiapi taupori o Aotearoa. He iti te apiapi i ngā rohe tuawhenua, he nui ake te apiapi i ngā tāone:

Arā ētahi wāhi o te ao e tino apiapi ana te noho mai o te tangata, ka kīia he apiapi tuhene aua wāhi rā. Ko Delhi, te tāone nui matua o Īnia, hei tauira:

Ko te pāitiiti taupori te hekenga iho o te taupori o tētahi wāhi, ka takea mai pea i te katinga o tētahi ahumahi i taua wāhi rā, pērā i te katinga o te whare patu mīti i Pātea i te tau 1982.

Ko te horapa haere o tētahi mate urutā pērā i te mate rewharewha i te tau 1918, ko te tāhawatanga o te taiao, pērā i te aituā karihi i Chernobyl i te whenua o Ukareina i te tau 1986 ētahi atu take mō te pāitiiti taupori.

Ka kōrerohia hoki te apiapi taupori kararehe. Hei tauira, kei te takiwā o te 83 kau miraka ki ia km2 te apiapi o tēnei momo kāhui kau ki te rohe o Taranaki, koia te rohe apiapi rawa atu mō te kau miraka.

KUPU KĒ ATU

kiato

Tauira KŌrero

Whakatairitea te apiapi taupori o Aotearoa me tō Ahitereiria.

He āhua ōrite te rahi o ngā whenua o Hapani me Aotearoa, engari he tino apiapi kē atu te noho mai o te tangata ki Hapani.

He whenua iti a Hingapō, engari he tino apiapi te noho mai o te tangata ki reira - e pātata ana ki te rima miriona i te whenua e 625km2 noa iho te rahi.

WhakamĀrama Āpitihanga