kerēme (ā-iwi) ~hia

WhakamĀrama Āpitihanga

Ki te kore e taea tētahi raruraru te whakatatū, ka kawea te kerēme ki te kōti, ki reira whakatauria ai i runga anō i ngā whakahaere ōkawa o te kōti. Ko te tangata, te rōpū rānei nāna te kerēme, ka kīia ko te kaiwhakapae, ko te kaikerēme rānei. E whakapae ana ia i hē te mahi a te kiriuapare. Ka whakatakotoria e te kaiwhakapae āna kōrero me āna taunaki, ka uruparetia e te kiriuapare. Ākene pea ka karangahia he kaiwhakaatu, he mātanga rānei hei tautoko, hei whakahē, hei whakamahuki rānei i te kerēme. Ko tā te kaiwhakawā, he whakarongo, he tuku pātai pea, he whakatau anō i te kerēme i te mutunga iho.

Mēnā he kerēme nui, ka whakatūria pea e te kaikerēme me te kiriuapare he rōia, ko rātou hei tohe, hei tuku pātai, hei pakanga kia tutuki pai ai te kerēme, kia whakakorea rānei.

Koia nei ētahi o ngā take e kawea ai tētahi kerēme ki te kōti:

• He taututetute pakihi, pērā i te kore o tētahi pakihi i whakatutuki kirimana, i te kore rānei i utu i tētahi nama.
• He taututetute i waenga i ētahi kiritata.
• He take whānau, pērā i te kerēme a tētahi matua kia whai wāhi tonu ia ki āna tamariki, ahakoa kua wehe rāua ko tana hoa o mua, ā, kei te hoa te kaitiakitanga o ngā tamariki.
• He kerēme ki tētahi kaunihera, ki te kāwanatanga rānei mō te hē o tā rātou mahi, mō te pānga kino rānei o tētahi mahi. Hei tauira o tēnei momo, ko te kerēme mō te reo Māori i kawea e Ngā Kaiwhakapūmau i te Reo ki Te Rōpū Whakamana i Te Tiriti o Waitangi i te tau 1985.

Ko ngā kerēme whenua, ka kīia ērā he kokoraho.