WhakamĀrama Āpitihanga
He tōiriiri kau ngā korakora o roto i ngā mea totoka, kāore e nekeneke haere. He kaha ake te tōiriiri o ngā korakora mēnā ka whakaweratia. Ka hōrapa haere te tōiriiri ki ngā korakora e pātata mai ana, ā, mā konei e kawea ai te pōkākā:
He irahiko wātea e nekeneke ana ki waenganui i ngā korakora o tētahi konganuku. Ka tukituki haere ngā irahiko wātea nei me ngā korakora, ā, koirā e tere ai te kawenga pōkākā o te konganuku. Ka kīia he pūkawe pōkākā:
Karekau he irahiko wātea o ētahi atu mea totoka, pērā i te rākau, te kōata, te kirihou me te uku, nō reira kāore i te pērā rawa te tere o te kawenga pōkākā. Ka kīia he ārai pōkākā ēnei momo totoka.