!
Welcome to PAEKUPU, words related to Te Marautanga o Aotearoa. Curriculum areas presently available on PAEKUPU: Toi Ataata, Te Reo Matatini, Puoro, Te Reo Pāngarau, Te Reo Pūtaiao, Ngā Mahi a te Rēhia, Hangarau, Tikanga ā-Iwi, Hauora
 
X
Hauora

kauhoe

swim, swimming

tūingoa, tūmahi poro, tūāhua

WHAKAMĀRAMA

Ka whakakorikori i ngā ringa me ngā waewae e tere haere ai te tinana i te wai.* He maha ngā momo, he rerekē te āhua o te whakakorikori, ka kīia he tāhoe. Ko te kau tāwhai tētahi o ngā tāhoe matua.

*He Pātaka Kupu (wh.235)

The movement of the arms and legs in order for the body to flow through water. There are many types where the movements differ, and these are called strokes. Freestyle is one of the main swimming strokes.

Tauira KŌrero

E hia mita tō kauhoe e hoa?

E pātata ana ngā tāone noho katoa o Aotearoa ki te wai, ahakoa moana, ahakoa awa, nō reira me ako ngā tamariki katoa ki te kauhoe.

Kātahi te kori tinana pai rawa atu ko te kauhoe, he maha ōna hua e piki ai te hauora o te tangata.

WhakamĀrama Āpitihanga

Tērā ko te kauhoe au moana, tērā hoki te kauhoe i rō hōpua. Mō ētahi he mahi a te rēhia, mō ētahi he whakapakari tinana te whāinga, mō ētahi he whakataetae te kaupapa.

I ngā whakataetae kauhoe, ka whakawehea te hōpua ki ōna ara kūiti, ā, ko ia kaikauhoe ka mau ki tōna ake ara. He ruku te tīmata a tēnei kaikauhoe:

Ko te kau tāwhai tētahi tāhoe matua. He tāpapa te tinana i te kārewa o te wai, ka whana ngā waewae, ā, ka hohoko te toro whakamua i ngā ringa me te tō whakamuri i roto i te wai, mā reira e kōpanaia te tinana:

Ko te kau kiore tēnei. Ka tīraha te tinana i te kārewa o te wai, ā, mā te whanawhana i ngā waewae me te hohoko o te toro whakamuri o ngā ringa me te tō i roto i te wai e kōpanaia ai te tinana:

Ko te kau āpuru tēnei tāhoe. E tāpapa ana te kaikauhoe i te wai, ka toro whakamua ōna ringa e rua ka tō whakamuri ai. Ka nuku whakamua ngā waewae e rua, ka tākiri whakamuri ai:

Ko te kau aihe tēnei. E tāpapa ana te kaikauhoe i te wai, ka hīkina ngā ringaringa e rua ki ngā taha, ka toro whakamua ai, kātahi ka tō whakamuri i te wai. He whana aihe te whana o ngā waewae, arā, he tīemiemi i roto i te wai:

I ētahi o ngā tāhoe, ka tae atu te kaikauhoe ki te pito o te hōpua, ko te turupeke tana huri kia tauaro ai tana anga, ā, ka kauhoe tonu.

Ko te kau takawhitiwhiti tētahi tauwhāinga kauhoe, arā, ko ngā tāhoe e whā i te tauwhaiwhai kotahi.

Tauira KŌrero

E hia mita tō kauhoe e hoa?

E pātata ana ngā tāone noho katoa o Aotearoa ki te wai, ahakoa moana, ahakoa awa, nō reira me ako ngā tamariki katoa ki te kauhoe.

Kātahi te kori tinana pai rawa atu ko te kauhoe, he maha ōna hua e piki ai te hauora o te tangata.

WhakamĀrama Āpitihanga