Tikanga ā-Iwi

kara-ōrangi

blue-collar

tūingoa, tūāhua

WHAKAMĀRAMA

Hei whakaahua i te tangata e whiwhi mahi ā-ringa ana, pēnei i te mahi hangahanga, me te mahi wheketere, me te aha anō, kāore i te pērā rawa te nui o tana utu. I puta te kupu nei i tētahi āhuatanga o mua, he mau hāte kahurangi te kaimahi ā-ringa.

To describe a person employed in manual labour, such as construction and factory work, who is paid at the lower end of the scale. This word arose from an historical phenomenon where manual labourers used to wear blue shirts.

Tauira KŌrero

Ko tāna, he rangahau i te āputa utu i waenga i te kaimahi kara-ōrangi me te kaimahi kara-mā.

I Ūropi i mua, he nui te whakaparahako a te hunga pūwhero i te hunga kara-ōrangi.

Nā te aranga ake o ngā momo hangarau hou, kua riro mā te mīhini e whakakapi ētahi tūranga mahi kara-ōrangi.

WhakamĀrama Āpitihanga

Ko te kara-mā te tauaro o te kara-ōrangi. Koia hei whakaahua i te hunga kaimahi i mau hāte mā me te neketai i ngā wā o mua, pērā i te rōia, i te kaikaute me te kaimahi kāwanatanga. Utua ai te kaimahi kara-ōrangi mō ōna pūkenga ā-ringa me te heke o ōna werawera. Ko te kaimahi kara-mā ka whakamahi i tōna mātauranga ā-hinengaro nei, i ōna pūkenga whakaaro tūārangi.

Arā hoki te kōrerohia o te hara kara-ōrangi me te hara kara-mā. He āhua rangirua te whakamahinga o ēnei kupu nei, he āhuatanga arotoka o mua. Ka kīia he ririkore te hara kara-mā, he hara nō te hunga e whai tūranga rangatira ana, pērā i te kaikaute, i te rōia me te kaiwhakahaere, ko te painga ahumoni te take o te hara. Ko te karo tāke, ko te whānako pūtea, ko te hara tāware hei tauira. He mahi huna te hara kara-mā, he uaua te kitea, engari ka rangona whānuitia e ōna pārurenga. I ētahi wā, ka kīia te hara kara-mā he hara rangatōpū, inā he whānako moni i tētahi rangatōpū, i tētahi pakihi te hara.

He hara kitea te hara kara-ōrangi, pērā i te pāhua me te hara ririhau. Ka kīia nō te papapori raro te kaihara kara-ōrangi.

Takenga Mai

kara (kupu mino) - collar

ōrangi - blue

Tauira KŌrero

Ko tāna, he rangahau i te āputa utu i waenga i te kaimahi kara-ōrangi me te kaimahi kara-mā.

I Ūropi i mua, he nui te whakaparahako a te hunga pūwhero i te hunga kara-ōrangi.

Nā te aranga ake o ngā momo hangarau hou, kua riro mā te mīhini e whakakapi ētahi tūranga mahi kara-ōrangi.

WhakamĀrama Āpitihanga