WhakamĀrama Āpitihanga
Mēnā he tino mōhanihani ngā papa e honoa ana, ka whakamātoretorea kia kaha ake ai te mau o te kāpia. Mā tētahi momo kowani e whakamātoretorea ai, ā, ka kīia he papa mātoretore.
Koia nei ētahi momo kāpia:
Ko te kāpia PVA. Mātua whakamahia ai hei whakapiri poro rākau. He māmā te whakamahi nā te mea he roa te wā poare, arā, te wā i mua i te whakatotoka o te kāpia. Ka āta pania ki ngā mata e rua e whakapiria ana, kātahi ka puritia ki te whakakopa. Ehara te PVA i te kāpia pihi, engari ka paku papare i te wai, nō reira e pai ana mō ngā pūāhua kāore e tino pāpāngia e te wai. Ka kīia he kāpia parewai:
Ko te kāpia waerau. E pai ana mō ngā pūāhua o waho ina ka parea te wai, ka pihi te hononga. Ka kīia tēnei momo he kāpia pihi.
Ko te kāpia inati. E pai ana hei whakapiri i ngā rauemi maha, pērā i te rākau, i te konganuku, i te kirihou, i te wheua me te papanga.
Ko te kāpia hiako. Ka hangaia ki te kiri kararehe, ka mātua whakamahia hei whakapiri poro rākau. Koia te tino kāpia i mua i te aranga ake o te kāpia PVA.
Ko te kāpia ēpohi. He kāpia tino kaha, ka whakamahia hei whakapiri i ngā momo rauemi maha. E rua ngā wāhanga - ko te pia me te whakatotoka. Ka āta whakaranua, kātahi ka pania ki ngā mata e whakapiria ana. Koia te kāpia matua hei hanga waka, ina he kāpia pihi, he kaha te ārai atu i te wai kia kore ai e uru atu ki roto i te hononga.