!
Welcome to PAEKUPU, words related to Te Marautanga o Aotearoa. Curriculum areas presently available on PAEKUPU: Toi Ataata, Te Reo Matatini, Puoro, Te Reo Pāngarau, Te Reo Pūtaiao, Ngā Mahi a te Rēhia, Hangarau, Tikanga ā-Iwi
 
X
Hangarau

pata

grain (food)

tūingoa

WHAKAMĀRAMA

Ko ngā hua o ngā momo tipu pērā i te wīti me te kānga. He kai mā te tangata me te kararehe. Kikī ana te pata i te warowaihā me ngā huaora pērā i te huaora B me te rino. He puna weu anō hoki e taurite ai te whiringa kai a te tangata.

The fruit of plants such as wheat and maize. A food for both humans and animals. Grain foods are replete with carbohydrate and vitamins such as vitamin B and iron. They are also a source of fibre, ensuring balance in a person's diet. 

Tauira KŌrero

Ko te pata tētahi o ngā whakarōpūtanga kai e whai huaora ai te tangata.

E tama, ko te pata hei kai māu i te parakuihi e whiwhi pūngao ai koe mō te roanga atu o te rā.

Arā ētahi mātanga taiora e mea ana ko te pata tētahi momo kai hei kaupare i te pāngia o te tangata ki te mate huka, ki te mate manawa me ētahi mate pukupuku.

WhakamĀrama Āpitihanga

Ko te pata tikitū tētahi whakarōpūtanga o te pata. Koia ko te tūtahi o te katoa o te pata hei kai mā te tangata (pērā i te raihi), ko te whakanehu rānei i te katoa o te pata kia pūehuehu (hei tauira, ko te puehu parāoa ka puta i te whakanehunga o te wīti tikitū). He nui ake ngā taiora o roto i te pata tikitū, tērā i te pata tukatuka.

Ko te pata tukatuka tētahi atu whakarōpūtanga. Arā, ka tangohia ake te kiripata me te hemapata kia matarehu ake, kia roa ake hoki te wā toiora. Ka ngaro ētahi o ngā taiora i roto i te tukatukatanga. Ko te nuinga o ngā momo parāoa me ngā huapata ka mahia ki te pata tukatuka.

I ētahi pata tukatuka ka āpitihia atu he taiora pērā i te huaora B. Ka kīia ēnei he pata whakahaumako.

Ko te pūmua kei roto i ētahi pata, pērā i te wīti, i te rai, i te pāre, ka kīia ko te kurutene. Mā te kurutene e āhua kūtoro ai te pokenga parāoa, e kākatikati hoki te parāoa ina maoa. E pāwera ana ētahi ki te kurutene, arā, he mate, he māuiui ka hua ake ina kainga te parāoa whai kurutene. Arā ētahi pata he kurutene-kore, pērā i te raihi, i te kānga, i te ōti me te wītipaka.

Koia nei ētahi momo pata e mōhiotia whānuitia ana:

Ko ētahi o ngā kai e whai pata ana:

Tauira KŌrero

Ko te pata tētahi o ngā whakarōpūtanga kai e whai huaora ai te tangata.

E tama, ko te pata hei kai māu i te parakuihi e whiwhi pūngao ai koe mō te roanga atu o te rā.

Arā ētahi mātanga taiora e mea ana ko te pata tētahi momo kai hei kaupare i te pāngia o te tangata ki te mate huka, ki te mate manawa me ētahi mate pukupuku.

WhakamĀrama Āpitihanga